Dep. Prins Bernhard School ta un proyecto cu a inicia na 2002. E meta di a proyecto aki tabata pa yuda muchanan stranhero siña entre otro Hulandes, Papiamento y Matematica pa por integra den scol regular na Aruba. For di e proyecto aki a sali entre otro, miho graduado na Com. Abraham de Veer School. Pa ultimo 5 añanan sigur, tabatin ex alumnonan den e top 5 di e miho graduadonan di Mavo di Aruba. Lamentablemente esaki ta e ultimo aña cu Dep. Prins Bernhard School lo por aporta na e educacion di e alumnonan aki.

Inicialmente e scol lo mester a cera awe dia 12 di juni, esaki pa motibo cu e scol lo cay bou di SOAZA y mester haci reparacion na e infrastructura. Tambe e sistema di enseñansa lo cambia pa K12, cual ta un sistema Mericano.

E fecha di 12 di juni a wordo palabra dia 6 di maart ultimo, un siman prome cu comunidad Arubano a wordo afecta pa Covid-19. Despues cu Covid-19 a stroba e planning ahusta, di docentenan toch kier a sigui cu e fecha stipula pa cera scol. Pero despues cu docentenan a vocifera nan preocupacion pa e manera abrupto cu kier cera scol, directora interino di DPS, sra. Nora Eleonora a pospone e ceramento di e scol te dia 3 di juli proximo.

SOAZA y introduccion K12

Gobierno kier duna Stichting Onderwijs van de Advent Zending Aruba (SOAZA) e edificio di Dep. Prins Bernhard School pa e stichting aki uza pa su scol K12.

K12 ta un sistema di enseñansa Mericano cu ta di scol preparatorio, Kindergarden, te scol secundario esta Highschool. Una bes introduci, tur alumno di K12 di SOAZA lo mester paga un schoolgeld di 2 mil dollar anualmente. Tambe informacion cu nos a ricibi ta bisa cu e Highschool lo ta 100% online, pues alumnonan lo paga 2 mil dollar pa un educacion virtual.

E curiculo di e scol aki lo ta na Ingles pues diferente cu esun cu e muchanan di Aruba ta haya. Esaki kiermen cu e studiantenan di e scol online aki lo no ta suficiente prepara na Hulandes pa drenta e scolnan di Aruba. Esaki ta un inhusticia masha grandi, pasobra e famianan di e muchanan aki lo no tin e modo pa manda nan yiu(nan) e scol aki mes cu lo costa nan 2 mil dollar pa aña, ni pa sigui un estudio na Merca si nan dicidi toch di bay e scol aki. Tur mucha tin derecho di un bon educacion y nos Minister ta viola e derechonan di e muchanan aki.

Scol na Ingles

Cu introduccion di K12 cual ta na Ingles, ta introduci tambe otro obstaculo pa e alumnonan cu inicialmente lo tabata alumno di Dep. Prins Bernhard School. Mas cu 90% di e alumnonan aki no tin conocemento di Ingles of no ta domin’e na un nivel cu nan lo por sigui lesnan na Ingles. Pues esaki ta lanta e pregunta si en berdad e muchanan stranhero ta parti di e grupo meta di SOAZA of esaki ta simplemente un pretexto pa haya e edificio di Dep. Prins Bernhard School y e miyones na subsidio di Union Europeo. E curiculo di e scol aki lo ta na Ingles dus diferente cu esun cu e muchanan di Aruba ta haya. Esaki kiermen cu e studiantenan di e scol online aki lo no ta suficiente prepara na Hulandes pa drenta e scolnan di Aruba. Esaki ta un inhusticia masha grandi, pasobra e famianan di e muchanan aki lo no tin e modo pa manda nan yiu(nan) e scol aki mes cu lo costa nan 2 mil dollar pa aña, ni pa sigui un estudio na Merca si nan dicidi toch di bay e scol aki. Tur mucha tin derecho di un bon educacion y nos Minister ta viola e derechonan di e muchanan aki.