(AP) – Prins Andrew di Britania, acusa den un demanda di abusa sexualmente di un mucha muhe di 17 aña cu a ser hiba na su persona pa financiero Jeffrey Epstein, a acepta un areglo na e demanda.
E areglo aki ta consisti di haci un donacion substancial na e fundacion di caridad cu e victima a funda y declara cu e nunca tabatin e intencion di difama su caracter, documentonan di corte a revela diamars.
E trato aki ta evita un huicio cu lo a causa mas berguensa na e monarkia. Ademas, di e donacion na e fundacion di Virginia Giuffre, e ta bisa cu Andrew ta admiti cu Giuffre ta un victima cu a sufri di abuso. E no a specifica si Giuffre lo personalmente ricibi compensacion monetario como parti di e acuerdo.
Abogado David Boies, representando Giuffre, a conta hues di federal di New York, ken ta lidiando cu e caso, pa medio di un carta cu un acuerdo cu a ser yega entre e dos abogadonan di ambos partido, lo haci e peticion di retira e demanda dentro di e periodo di un luna.
Abogado di Prins Andrew no a duna comentario.
Hues Lewis A. Kaplan a bisa cu e lo suspende e caso te cu dia 17 di maart, y den caso cu e abogadonan no entrega e peticion e lo pone un fecha pa e huicio.
