(AP) – Prins William a anuncia cu el a ricibi su prome dosis di vacuna di COVID-19, mientras cu Britania su National Health Service ta expande su programa pa atrae mas hende jong.
William, di 38 aña di edad, a ricibi su vacuna na e museo di ciencia na London, un di e centronan mas grandi cu ta ofreciendo e vacuna den e pais. Un potret di e prins ricibiendo su vacuna a ser publica riba su cuentanan di medio social.
“Mi a ricibi mi prome dosis di e vacuna pa COVID-19” e prins a skirbi, “Na tur e personanan cu ta trahando y dunando e vacuna, Danki pa boso esfuerso y gran trabao cu boso a haci, y ta sigui haci.”
Siman pasa, Britania a habri su programa local pa vacuna cualkier persona cu tin mas di 34 aña di edad. Gradualmente e programa a keda expande pa cubri hendenan jong tambe. Otro miembronan di e famia, incluyendo Reina Elizabeth II y Prins Charles, tambe a ricibi nan vacuna publicamente, pa asina encurasha e pueblo y logra cu nan tambe tuma nan vacuna.
Mas cu 70% di e adultonan den Britania a ricibi por lo menos nan prome dosis di e vacuna contra COVID-19.
