Recientemente, CBS a publica e Indice di Prijs di Consumo mas recien. Den esaki, a indica e Cambio di prijs di Cuminda y servicio di catering na December 2024.
E indice di “Cuminda & servicio di catering” a registra un aumento di 0.1% na December 2024, despues di a registra un aumento di 0.3% na November 2024.
E indice di “Cuminda na cas” (0.2%) a registra un aumento, unda seis (6) di e diesun (11) indicenan di e gruponan di cuminda na cas a subi na December 2024.
E indice di “Fruta” a conoce e aumento di mas grandi (2.5%) na December 2024.
Otro aumentonan significante a wordo registra den e indicenan di “Berdura” (0.7%), “Lechi, keshi y webo” (0.4%) y “Batata, yuca y batata dushi” (0.4%).
E caida mas grandi a wordo registra den e indice di “Pisca y otro cuminda di lama” (-1.6%) na December 2024.
E indice di “Cuminda pafo di cas” practicamente no a registra cambio na December 2024.
Na December 2024, “Cuminda na cas” y “Cuminda pafo di cas” como grupo, tabatin un aumento di prijs di 0.1% compara cu November 2024 y hunto tabatin un influencia di 0.02 ppt riba e CPI, mientras cu e restante bienes y servicio hunto a experencia un caida di prijs di 0.2% y tabatin un efecto di -0.18 ppt riba e CPI.
