Presupuesto di Salubridad, Cuido di nos Grandinan y Deporte a wordo trata den Parlamento

Dialuna a trata e presupuesto di Salubridad, Cuido di nos Grandinan y Deporte. Esaki a wordo haci den presencia di e Minister di Salubridad, Alex Schwengle y su conseheronan. Durante e tratamento di e presupuesto, hopi pregunta a wordo treci pa dilanti.

 

Un total di 14 parlamentario a hiba palabra. A presenta 13 mocion door di diferente fraccion, segun president di Parlamento, Sra. Mervin Wyatt-Ras. Tabata tin un cantidad di pregunta y e problema di e baby Lunah y caso Koolman a domina e preguntanan y a presenta mocionnan pa cu esakinan. Parlamentarionan a haci pregunta tambe pa loke ta trata proyecto di hospital, IMSAN su centro di Radiologia y operacion di wowo.

 

Tambe e problematica di Dump, ehecucion di ley di nos grandinan, SABA, implementacion di ley di BIG, evaluacion di AZV su paketenan, departamento di Salubridad, Inspeccion, etc. ta topiconan cu a wordo treci pa dilanti.

 

Sra. Wyatt-Ras a haya cu e calidad di preguntanan tabata di calidad halto. Segun e por nota, ta cu e parlamentarionan tabata cuida nan minuut cu tin cu papia, nan tabata haci preguntanan al caso. Esaki tin un efecto positivo ariba e resultado. Despues a sigui cu e presupuesto di Enseñansa y Famia den presencia di minister Michelle Hooyboer-Winklaar y su conseheronan.