AMSTERDAM – Varios preso teni den e banda terorista di e prizon di alta siguridad na Vugt a ser poni den regimen di aislamento despues cu nan a realisa un esfuerso aparentemente coordina pa interumpi e silencio di dos minuut riba Dia di recuerdo.
Nan lo permanece ey den pa dos siman di tempo, mientras cu e investigacion ta tumando luga pa wak kico ta continuamente ta pasa, esaki ta locual minister di husticia Sander Dekker a bisa e corant Brabants Dagblad
“Gritando lemanan insultativo na e momento ta mustra un falta di respet y ta inaceptabel”, Dekker a bisa. E hombernan posiblemente 8 di nan, a grita Allahu Akbar durante di e periodo di dos minuut, durante cual e Hulandesnan ta recorda e personanan cu a fayece den segundo Guera mundial y tur otro gueranan posterior.
Parlamentario democrata cristian Madeleine van Toorenburg, kende tabata na e ceremonia na Vught a bisa cu e gritonan tabata tin impacto profundo riba e resto di reunion. “E gritonan traves di nan celnan cu e unico intencion pa stroba e ceremonia”, el a bisa. Alrededor di 1.200 persona asisti e ceremonia aki.
Prome minister Mark Rutte a bisa e programa di television Hart van Nederland diadomingo: “ Esaki ta un momento special y conmovedor, y debidamente mester mantene bo boca cera”, el a bisa.
Vught tabata cas di e unico campo di concentracion cu tabata administra pa SS na Europa occidental pafo di Alemania. Ma o menos 329 persona a ser asesina den e luga di ehecucion pafo di e campo, na unda e ceremonia a ser teni diasabra.
