(AP) – E regreso di COVID-19 rond di Merca ta poniendo presion ariba di hospitalnan durante un tempo unda cu mayoria di nan ta purbando di atende cirugianan y otro proceduranan cu mester a ser poni den espera durante e pandemia.

Cu e variante delta, cual ta mas contagioso plamando rapidamente, casonan na Merca a aumenta na casi 70% durante e siman pasa, y e hospitalisacionnan a aumenta cu casi 36%, mientras cu e mortonan a aumenta cu 26% segun e Centers for Disease Control and Prevention riba diabierna.

Algun hospital ta reportando cifranan record of cerca di record pa cu e pashentnan. Y te hasta pa esunna cu no ta haciendo esaki, e ronda di aki di e pandemia ta comprobando di ta den algun manera hopi mas duro pa e hospital y e oficialnan di salud. E trahadonan ta agota, y e busqueda di enfermeronan priva e independiente pa por yuda e trahadonan aki ta duro di logra.

“En realidad mi ta mira tur esaki como un guerra y con largo nos por permanece dilanti” Dr. Mark Rosenberg a declara, ken ta presidente di The American College of Emergency Physicians. “Y cuanto biaha nos mester bay bek na un otro ronda di trabao, eventualmente, bo no kier haci esaki mas.”

Tambe, hopi hospitalnan tabata druk prome cu e brote a cuminsa, lidiando cu hopi atraso di test di cancer, operacionnan y otro proceduranan cu a ser para durante e pandemia, pa asina laga espacio liber pa tur e trahadonan por lidia cu e pashentnan di coronavirus, e lidernan den cuido di saluda a bisa.

“Eventualmente bo tin cu paga e prijs, y aworaki tur esaki a acumula riba di nos” Global Center for Health Securirty na Univeristy of Nebraska Medical Center den omaha su Dr. James Lawler a declara.

Aworaki, e mieda ta cu algun hospital ta bisa cu probablemente nan lo mester postpone e cuidonan cu no tin di haber cu COVID-19 atrobe, y esaki ta trece riesgonan grandi potencial pa e pashentnan.

Dr. Laura Makaroff, vice presidente di prevencion y deteccion tempran di American Cancer Society a bisa cu e testnan di cancer a baha bastante durante e olanan di e COVID-19, y te ainda mester regresa na nivelnan normal bek den hopi diferente comunidad. Makaroff a adverti cu e tardansa den e testnan aki, ta resulta den cancer detecta na un etapa mas avansa, unda cu posiblemente ya no por trata esaki mas.

Mortonan pa cu COVID-19 y casonan nobo confirma di infeccion rond di Merca te ainda ta hopi mas abao cu loke nan tabata ta den temporadanan pasa. Pero pa prome biaha desde e tempo ey, casonan ta subiendo den tur 50 estado di e pais. Y e nacion su programa y cantidad di vacunanan haci a cuminsa baha velocidad, cu solamente 48% di e populacion completamente protegi.