(AP)—Presidente Ucraniano Volodymyr Zelenskyy a firma un ley controversial ayera, algun dia despues cu esaki a ser aproba pa parlamento, posiblemente yudando Kyiv aumenta reclutamento pa rebiba forsanan agota pa asina defende contra agresion Ruso.
E ley di mobilisacion, publica riba e website di e parlamento Ucraniano, lo tuma efecto den un luna y haci’e mas facil pa identifica tur homber eligible pa ser recluta den e pais. Hopi a scapa reclutamento por medio di preveni contacto cu autoridadnan.
E ley tambe ta provee soldaatnan cu incentivanan, manera bonuses cash of placa pa cumpra auto of cas, cual segun analistanan, Ucrania no por paga p’e. Ucrania ta experenciando dificultad purbando di defende contra e avance di Rusia.
Desde e invasion a cuminsa den februari 2022, Rusia a captura casi un kwart di Ucrania, cual ta supera pa forsa, arma y ta den necesidad desespera di mas tropa y municion, mientras duda ta aumenta tocante ayudo militar di e West.
E ley firma a modifica for di su version preliminario. E no a inclui un provision cu lo cambia tropanan cu a sirbi 36 luna di combate. Autoridadnan a bisa cu lo prepara un legislacion separa riba demobilisacion y rotacion den e proximo lunanan. Pero e retraso causa pa frustracion di publico entre Ucranianonan di ken nan a famia ta bringa sin descanso pa dos aña caba.
Soldaatnan cansa no tin manera di tuma un break for di e combate pa via di e scala actual y intensidad di e guera. Ucrania a sufri caba for di un falta di soldaatnan entrena cu por bringa, y pa demobilisa soldaatnan pa e bataya lo deshaci di e bringadonan mas capable di su forsanan.
Den december, Zelenskyy a bisa cu e ehercito di Ucrania kier a mobilisa te cu 500,000 tropa mas. Hefe di ehercito Oleksandr Syrskyi a conduci un revision di e ehercito y bisa cu soldaatnan por ser cambia di patras bay dilanti. E number a ser revisa pero nada a ser publica te ainda.
