FBI ta e agencia central secreto cu nos solamente conoce for di peliculanan mayoria di biaha. Ora cu un caso sosode cu polis no por trata cu ne, nan ta yama e Federal Bureau of Investigation (FBI).
Pero den realidad, FBI ta un departamento crucial hunto cu e departamento di servicio secreto kende nan rol a bira mucho mas importante despues di e atakenan fatal di 9/11 riba Merca. Dunando e un concentracion mas pisa riba combati terorismo.
Presidente di Merca Donald Trump actualmente a lansa un atake inespera riba e agencia di inteligencia, cual segun agentenan anterior y actual ta bisa lo fundamentalmente fractura e organisacion su abilidad pa mantene Mericanonan safe. Presidente Trump tin basta tempo caba ta bisa cu tin un conspiracion di ‘deep state’ cu ta tras di dje. Su argumento ta cu figuranan dentro di FBI, Departamento di Husticia y otro agencianan gubernamental a establece un network scur diseña pa perhudica su presidencia.
Diabierna pasa, e presidente a wanta un memo di cuater pagina cu ta prueba cu tin un tipo di conspiracion contra di su persona.
E presidente ta bisa cu e memo actual aki ta e prueba cu tin un persecucion andando contra su persona pero e partido Democratico ta bisa cu e documento no ta ilustra henter e storia.
Fuente: NEWS.AU
