(lapatilla.com) .- Den su programa Los Domingos Con Maduro, cu Venezolana de Televisión ta transmiti y cu e e propio presidente Nicolás Maduro ta conduci, diadomingo pasa a inicia cu un formato nobo y a haci algun anuncio importante.
A anuncia e cambio di cuatro ministro, cualnan ta:
A designa mayor general Manuel Quevedo como ministro di Petroleo nobo, tambe presidente di e empresa estatal Petróleos de Venezuela (Pdvsa), pa transforma y logra un “limpieza” den e compania.
Den e sentido ey, Maduro a anuncia cu awe diamars lo firma un “documento di compromiso” cu trahadornan di e sector, pa recupera e principal industria petrolero di e pais.
Tambe el a nombra ex-gobernador di estado Tachira, José Greorio Vielma Mora como e ministro nobo di Comercio Exterior. “E aña 2017 aki nos ta bibando e aña di inicio di e modelo economico nobo, apesar di sabotahe y ‘guarimba’ (protesta den area cera), pero manera semper persistencia y perseverancia ta nos principal caracteristica.”
El a splica cu e nombramento di Vielma Mora ta obedece na e consideracion cu “e ta un experto den comercio exterior, cu conoce e tema di frontera bon, e ta un homber serio, honesto, trahador, patriota, un experto den materia tributario, den aduana y puerto, cu ta bin prepara pa duna bataya.”
Den ministerio di Habitat y Vivienda a designa Ildemaro Villaroel, cu tabata vice-ministro di Quevedo y pesey segun Maduro ta conta cu e experiencia pa logra un meta grandi: 600.000 cas pa 2018.
Den ministerio di Transporte a nombra mayor general Carlos Osorio Zambrano, “cu tin un gran responsabilidad, ta bin inversionnan grandi, Osorio, ban expande e Mision Transporte y ban duna felicidad na pueblo,” Maduro a bisa.
