Apertura di Aña Parlamentario 2024-2025 diamars ultimo a keda celebra, unda presidente di Parlamento, Raymond Kamperveen di partido Raiz, a presidi durante e prome reunion publico, haciendo esaki uno historico como e prome presidente di Parlamento cu no ta di partido MEP ni AVP.
Na final di e reunion solemne, Kamperveen a dirigi un mensahe pa pueblo di Aruba.
“Un Parlamento independiente ta e latido di democracia, dunando oido na e voz di Pueblo!”
Haciendo un referencia na nos Himno Nacional, Aruba Dushi Tera, Kamperveen a continua bisando: “Cu Dios por guia y conserva nos amor pa libertad, drama su bendicion di sabiduria riba tur su representantenan den e cas di Pueblo, unda nos por debati respetuosamente, y traha na bienestar di cada un cu ta biba riba nos dushi baranca Aruba.”
