Den 2021 Parlamento di Aruba tambe tabatin su retonan. Presidente di parlamento Edgar Vrolijk ta un presidente di parlamento nobo di Aruba y a drenta dia 29 di juli y den e di dos siman di september a oficialisa e puesto como presidente di parlamento.

Asina cu a sinta como presidente un di e retonan di mas grandi ta pa conscientisa pueblo, pero tambe pa conscientisa tur esunnan cu ta forma parti di parlamento cu tin regla. Parlamento tin un reglament van orde cu a verwater hopi aña y cu e la bira un custumber, pero esey no ta e intencion y mi persona como presidente di parlamento actual no ta desea pa e mal custumber ta bira un custumber.

P’esey mes a cuminsa di nobo y a cuminsa cu e reglanan. Banda di esaki a haya diferente retonan manera na momento cu gobierno a cay despues a bin campaña unda cu tin diferente metanan a keda para. Na momento cu esey a pasa a trata di atende tur ley cu tin pendiente of cu no a ser procesa pa por a procesa nan, e tabata un trabao basta grandi , pero cu a logra yega na e meta pa fin di aña cu tur ley a keda atendi.

Sinembargo esaki no tabata posibel solamente pa e parlamentarionan , pero pa tur trahadonan di parlamento cu a traha oranan largo pa asina parlamento por a atende cu tur e procesonan y tur ley cu a drenta y a percura pa nan cana nan caminda.

Segun presidente di parlamento na e momentonan aki e leynan cu tin den parlamento ta leynan cu na ultimo ora na momento cu practicamente reces a drenta no tabatin espacio mas pa atende cu nan, pero nan lo keda atendi asina cu aña habri. E CIOVID sigur a hunga un rol importante pa loke ta trata e trabao den parlamento , asina cu a sinta como presidente di parlamento a trece un punto hopi importante pa e parlamentarionan, no por ta asina cu mester tin quorum pa por sigui traha.

A bin cu un proposicion unda cu a pidi e 21 miembronan den parlamento pa por haci cambio na esaki unda cu por uza plataformanan digital mirando cu den tur camber por scucha reunion y p’esey mes a bin cu e proposicion pa e firmamento ta conta como presencia den parlamento. Esaki ta pone cu na momento di votacion of mester papia por drenta e sala di parlamento sin ningun problema, pero loke ta di lamenta cu ningun hende no a bay di acuerdo cu e proposicion aki debi cu e politica ta keda mal hunga, presidente di parlamento Edgar Vrolijk a duna di conoce.

Segun Presidente awo cu por mira e situacion mas miho e ta perhudica procesonan unda cu sin corum no por tin reunion y esaki ta stanca e reunionnan. P’esey mes e deseo ta pa cambia e reglament van ordo. Segun presidente di parlamento si mester mira Corsou ya caba nan ta cambiando e reglament na ordo y aki un biaha mas Aruba ta keda atras.

Banda di e cambio aki cu ta desea di ehecuta parlamento mes a trata 52 reunion cu ta trata di 16 Openbare Vergadering (OV) a keda trata hopi leynan grandi cu a keda pega , pero tur a keda trata pa asina caba cu e proceso.

Tambe tabatin 15 Openbare Bijeenkomst (OB) cu a keda trata. Den totalidad tabatin 52 reunion cu a keda trata y cu a cana tur e procesonan y lo habri un januari unda cu lo cuminsa riba zero wardando contestanan di gobierno.

Hopi di nos no sa e proceso cu e leynan aki ta tuma, segun presidente di parlamento e ley na momento e yega parlamento e ta bay un comision central y ta haya 2 siman minimo pa parlamentarionan prepara nan mes pa asina nan haci pregunta, na momento cu esaki sosode tur e preguntanan ta bay gobierno y e tarea di gobierno ta pa contestanan back. Na momento cu gobierno contesta tur e preguntanan na parlamento e ley ta cla pa bay un Openbare Vergadering (OV) , pero aki tin algun ley cu no a keda manda back cu e contestacion nan y aki e reunion den parlamento no por tuma luga.

Parlamentarionan hopi biaha kier hunga politica y nan ta reclama cu ta pone reunionnan tras di otro , pero e realidad ta ya caba e parlamentario ta cla pe mirando cu su preguntanan a bay caba pa e minister y te cu ta haya contesta back y lo mester dies keda trata den sala di parlamento.

Un otro reto cu tambe a haya den 2021 ta e comisionnan unda cu tabatin hopi discusion kende ta bira presidente, pero lamentablemente parlamentarionan ta lubida di uza nan hermentnan den parlamento. Segun presidente di parlamento e comision por yama full e grupo cu a traha e ley, nan por bin splica con e ley ta hinca den otro y asina cada parlamentario ta compronde mas e esencia y asina por tin un miho calidad di debate, na momento cu tin un calidad di debati ta impedi insultonan personal den parlamento.

Presidente di parlamento ta lamenta cu te ainda den e epoca aki parlamentarionan no ta debati na nivel y ta bay na ken ta famia di ken siendo cu nada di esaki no tin nada di haber cu e ley cu ta keda trata den parlamento na e momento ey.

Parlamento di Aruba ta e organo di mas halto y e respet mester keda na momento cu ta trata un ley, e nivel di e parlamento mester ta halto y no ta paso di ta un parlamentario mas bunita, cu ta grita mas duro of cu ta mas popular , ofende hende mas duro actualmente ta esun cu ta haya mas elogio na e momentonan aki. Esaki ta papia hopi di e mentalidad cu ta biba.

Segun presidente di parlamento e situacionnan aki ta hopi di lamenta unda cu ta laga nos mes wordo guia via hopi mercadeo, fama y populismo. Hopi biaha loke nos ta mira ta haci nos contento , pero loke cu tin den un cabes di un persona ta esencial y esey ta locual cu mester refleha den un pais hende cu capacidad pa guia un pais y no wak esun cu ta mas bunita of cu ta bisti mas bunita, pero e principio di e persona.

Loke cu no por laga afo ta cu pandemia a haci un daño hopi grandi tur caminda y den e caso aki na parlamento tambe, sinembargo ta sinti cu parlamento a atende cu e topico di pandemia hopi bon y gobierno tambe a bin parlamento varios biaha y splica e situacion cu tin. No ta solamente gobierno a traha riba e parti aki , pero tur e profesionalnan cu a yuda gobierno dunando gobierno conseho. Sinembargo por a mira e fruto di e decisionnan cu a keda tuma unda cu Aruba a pasa den duro pero no a cay den dip manera e otro paisnan .

Un danki na tur e profesionalnan cu a haci un tremendo trabao y cu ta premira cu 2022 lo ta un miho aña pa Aruba unda cu ya caba ta mira cu turismo ta haciendo su impacto positivo aki na nos pais. Presidente di Parlamento ta desea henter pueblo di Aruba un bon cambio di aña y cu aña 2022 ta un miho aña pa nos tur y cu hunto nos sa di hiba Aruba dilanti.