Diadomingo presidente di Merca, Donald Trump a bisa cu e ta spera pa reuni cu Justin Trudeau, prome minister di Canada hunto Enrique Peña Nieto, presidente di Mexico, cu obhetivo di cuminsa cu negociacion pa logra un cambio den skema actual di tratado di liber comercio. Trump a bisa cu ta inicia cu tema di negociacion tocante inmigracion y seguridad den frontera di Merca cu Mexico.
“Mexico a ser estupendo. Presidente Peña Nieto ta asombroso, mi ta kier nos ta bay tin un resultado hopi bon pa Mexico, pa Merca y pa henter hende cu ta envolvi” Trump a bisa den un evento na cas blanco. Presidente di Mexico, Peña Nieto a resalta importancia cu tin e relacion entre Mexico y Canada, asina como tambe consolidacion di Merca como un area liber di comercio y di fluho di inversion.
Peña Nieto a bisa cu el a papia cu prome Ministro Trudeau, tocante importancia cu tin e relacion di Mexico y Canada cu Merca, y asina nan a conclui cu bay traha hunto pa impulsa integracion economica di America di Norte.” Desde cu Trump tabata como candidato a bisa cu ta purba pa negocia di nobo e tratado di liber comercio of si por ta posibel logra eliminacion di acuerdo ey, pasobra segun Trump no ta trece ningun beneficio na Merca.
Ora cu Trump a tuma posicion di presidente a bisa cu su gobierno ta sigui dos regla importante: nan ta cuminsa cumpra producto Mericano so y cu producto aki mester traha pa empleadonan di Merca.
Trump a presiona empresa di auto na Mexico pa move na Merca, y asina el a defende su politica cu afirma cu Mexico ta horta empleo di tur hende Mericano.
