(EFE) – Presidente di Guatemala, Bernardo Arevalo de Leon a hiba pa ONU e bandera di su mandato y a reclama multilateralismo pa caba cu corupcion, cu a pasa di ta un “efecto di mal gobernacion” pa un fenomeno globalisa cu ta faborece “tur tipo di fluho ilicito.”
Den su prome cinco luna di gobierno, Arevalo de Leon a denuncia iregularidadnan di corupcion di gobiernonan anterior y ta busca reforsa e vinculonan cu comunidad internacional, dos causa cu a uni na Asamblea General, na unda el a postula su mes como “aliado” pa obhetivonan di paz y desaroyo.
E presidente a señala cu ta traha pa “corupcion lo ta menos probabel” den institucionnan di su pais y pa “transforma un entorno cu ta tolera e practicanan ey, pero tambe a plantia cu ta trata di un fenomeno cu den ultimo decadanan a tuma un caracteristica diferente.”
Den su defensa na sistema multilateral, el a aplaudi problemanan di cambio climatico y migracionnan genera pa pobresa of gueranan. A su bes, el a suma otro paisnan cu ta defende un reforma propio di ONU y di e sistema di financiacion global, pa duna peso na Conseho Economico y Social.
Pa loke ta trata e fenomeno migratorio, el a bisa cu e bon relacion di trabou cu gobiernonan actual di dos pais bisiña involucra “den e fluho di mobilidad humano,” di Mexico y El Salvador.
Di mesun manera, e no a mustra preocupacion pa e consecuencianan di un posibel Gobierno Republicano di Donald Trump na Merca, e cual ta e destino di e migrantenan.
El a sostene cu e paisnan implica den fenomeno migratorio tin trabou den corto plaso, manehando e fluhonan existente y pa largo plaso, den e tarea di “elimina e causanan structural.”
P’esey, “ta necesario pa traha cu tur pais involucra y ora november lo bin, independientemente di e resultado di eleccion na Merca, nos lo sigui.”
Arevalo de Leon a conta na ONU “e veredicto rotundo” den eleccion na su pais unda ciudadanonan “ta na fabor di transformacion y cambio, un cambio cu a ricibi “apoyo di tur gobierno rond di mundo,” cu un despliegue di observadornan y condena na “intentonan golpista” e cual a considera como pruebanan di poder di cooperacion entre paisnan.
El a lamenta cu Ministerio Publico na e momentonan aki no tin un animo di colaboracion sino un animo di obstaculo” den e lucha contra corupcion y a bisa cu, “pa cambia” e fiscal general Consuelo Porras, ta den analisis un iniciativa di ley na Congreso, pero lo tin otro opcionnan si esey no ta avansa.
E presidente a pidi na Organisacion di Estadonan Americano un mision di observacion pa eleccion di magistradonan di e corte pa e proximo luna di october debi na “incidencia di e elitenan politico-criminal cu ta bin operando na e pais” den procesonan anterior.
