(EFE) – E presidente di Colombia, Iván Duque diadomingo ultimo a pidi Panama pa resolve di manera conhunto y mesora e situacion na e frontera, na unda tin miles di migrante pega na e parti Colombiano den espera di por continua su caminda pa Merca.
“Mi a duna instruccionnan hopi claro pa Migracion Colombia di busca informacion y traha den man cu autoridadnan Panameño. Nos tin cu resolve esaki entre nos dos” Duque a bisa.
Desde haci mas di un siman na un municipio Colombiano cerca di Darien, e selva cu ta na frontera di e dos pais y ta considera un di e ruta di migracion mas peligroso na mundo pa e caracteristicanan ambiental y e presencia di gruponan ilicito, entre 10.000 y 15.000 migrante ta na espera di por continua su caminda pa Panama y yega Merca of Canada.
Duque a splica cu e cooperacion aki ta rekeri cu su pais lo por haci “un exclusion trempan pa cu e fenomeno aki no lo presenta y pa haya sa ken nan ta tras di e mobilisacion aki” pa motibo cu segun e el bisa e migrantenan “no ta yega via caretera, hopi di nan ta yega via barco y tin personanan cu ta cobra recursonan importante”.
E presidente a señala cu “tin cu resolve e crisis di biaha” y cu nan ta “dispuesto pa entrega tur informacion cu tin mester”.
“Tambe ta parce mi importante cu hunto cu Panama nos por haci procesonan di deportacion, di retorno, y tambe procesonan di regularisacion”, Duque a bisa.
El a recorda cu “e situacion migratorio aki no ta nobo, esaki no ta sosodiendo pa prome biaha y e situacion aki a presenta durante hopi añanan”.
Panama a cera tur su fronteranan cu Colombia debi na pandemia di Covid-19, pero esaki, igual cu na 2020, no a detene e fluho di migrantenan den transito.
