Presidente di Algemene Rekenkamer Aruba Frederick Nuboer tambe mester a presenta na gobernador pa cu e reunion pendiente. Algemene Rekenkamer Aruba a tuma nota di e eleccion cu a tuma luga y ta sinti cu tog tabatin un cambio den e manera cu e asientonan a keda comparti.

ARA ta mira cu e cuater añanan cu ta bay bin nos dilanti con lo e ta bay ta pa nan mes, a cuminsa un trayecto bao di mando di e gobierno anterior unda cu tabatin afspraak nan haci y cu esaki mester keda cumpli tambe. Actualmente tin un proceso andando caba specialmente pa loke ta trata e cuentanan anual di Pais Aruba.

Segun Presidente di ARA lamentablemente a constata cu tin un retraso di 2019 y awor aki tambe 2020 unda cu mester a haya esakinan caba prome di juni 2021 pero no a ricibi esaki .

Debi na esaki e proceso a stanca, pero si a tuma nota cu tin cierto decisionnan cu a keda tuma pa e cuminsa bek , pero ya caba nos ta bay yega september y e trabao pa controla e cuentanan anual no por sosode.

Segun presidente di ARA esaki ta un proceso cu un pais madura 35 aña cu status aparte no por tin y ta pone nos bao di nivel. Mirando e afspraaknan traha cu Hulanda ya caba ta constata cu no ta wantando na e afspraak nan haci unda cu Algemene Rekenkamer Aruba mester por yega na cuentanan anual cu tin un declaracion cu ta acorda door un accounting externo.

Sinembargo ARA di su banda kier haci tur cos pa por yega na un tipo di declaracion asina, pero ta constata cu Aruba no a yega eynan ainda. E 4 añanan nos dilanti lo mester traha duro hunto pa por yega na cuentanan anual aproba.

Sinembargo esaki kiermen cu leynan mester keda cambia hendenan mester train y poni na diferente departamentonan cu na e punto ey ya caba e control nan ta cuminsa. Proximamente ARA ta bay haci publico un rapport di FASE . Actualmente e rapport ta den su parti final y eynan ta bay mustra kico a bay bon y kico a bay malo cu e FASE ta wordo paga na e momentonan aki.

ARA semper ta manda carta pa gobierno y tambe ta papia cu parlamento pa asina por pone atencion riba dje, cada biaha cu un parlamento nobo sinta ta pidi atencion y ta duna un splicacion amplio con e proceso ta. Hopi biaha ta duna e presentacionnan aki hunto cu directie financien y centrale accountant dienst . Tur e esaki ta e esfuersonan cu ta keda haci y tanto gobierno y parlamento ta na altura y ultimo manera tur hende sa a haci un retraso di e cuentanan anual na 2012 y 2013 unda cu esey tabata un proceso bunita pa wak cu a logra caba cu e parti aki , pero awor aki ta mira un biaha mas cu ta cay bek atras. Sinembargo e proceso ey no a caba debi cu na momento cu caba cu e retraso e ora ta bay cuminsa train e personanan pa bay den e proximo nivel y asina Aruba por logra haya e aprobacion di cuentanan anual .

Si belastingdienst ta exigi di tur di companianan y tambe emanzaken pa nan entrega nan cuentanan anual tur aña na tempo y si nan no haci esey nan ta haya boet,como gobierno di Aruba bo tambe mester por cumpli.

Pandemia no ta un bon excuus debi cu hustamente den e pandemia mester wanta ‘’vinger aan di pols’’ cu mester sa precies unda e placa ta bay y despues na final di cuenta e minister nan ta keda responsabel y esey nan mester realisa nan mes bon cu cada minister ta keda responsabel pa e maneho cu nan ta hiba y cu e por mishi cu nan financieramente tambe despues.

Tambe den futuro ta desea di wak kico ta keda haci cu e rapportnan di ARA y den futuro lo keda cu e siguimento cada tres pa seis luna y lo raporta bek na pueblo di Aruba cu si algo a keda haci si of no.