Durante un bishita na Aruba riba 22 y 23 di juni 2016 e Colegio di supervision financiero Aruba (CAft) a conclui cu e ehecucion di presupuesto ta mas o menos riba rumbo pa cu e norma legal di deficit di 2,0% di PIB. E Colegio ta enfatisa cu e presupuesto conoce ainda riesgonan financiero cu e lo monitor e resto di aña.
CAft lo analisa detayadamente e consecuencianan presupuestario di e reapertura di e refineria di petroleo ora cu a haya e informacion necesario pa esey. Pa por garantisa financia di gobierno duraderamente sostenibel, CAft ta conseha pa mantene un maximo di pago pa uzo (‘beschikbaarheidsvergoedingen’) pa proyectonan Public Private Partnership (PPP) na nivel di 1,5-2,0% di e gastonan colectivo.
Prome cifranan di kwartaal 2016
Durante su bishita CAft a papia cu Gobernador, e Minister di Financia y su staf, e Conseho di Minister y e comision financiero di parlamento di Aruba. Central durante e palabracion tabata e ehecucion di presupuesto 2016 y e consecuencianan financiero economico di e reapertura venidero di e refineria di petroleo.
A palabra cu lo procesa e implicacion presupuestario riba termino cortico den un modificacion di presupuesto pa varios aña den e presupuesto. E modificacion di e presupuesto ta den liña cu e intencion pa publica den un nota di mita Aña, (‘Halfjaars nota’) e efectonan pa varios aña di e reapertura di e refineria. E ‘Halfjaars nota’ ta capacita CAft pa monitor na tempo si y con Aruba lo cumpli na fin di aña cu e norma di deficit maximo di 2,0% PIB pa 2016 manera stipula den e Ordenansa Nacional di Supervision financiero temporal (LAft).
Proyectonan PPP por contribui na e fortificacion di e infrastructura publico, pero a base di nan indole ta pone un peso grandi riba e medionan di gobierno den futuro. Pa por balansa e financia di gobierno di forma duradero, den liña cu miho practicanan internacional necesario, ta maximalisa e peso di e ‘beschikbaarheidsvergoedingen’.
E Colegio ta conseha pa mantene un suma maximo pa ‘beschikbaarsheidsvergoedingen’ di varios aña pa proyectonan PPP di 1,5-2,0% di e gastonan di gobierno colectivo. Cu e norma aki e gastonan pa proyectonan manera Green Corridor, Watty Vos, Dr. Horacio E. Oduber Hospital y e edificio Infra DOW ta cay net den e norma, pero no tin espacio pa proyectonan PPP nobo.
Retonan
E riesgonan financiero cu CAft ta señala ta pidi pa un monitor estricto durante e aña. CAft lo monitor particularmente e motivacion di e aumento di medionan minuciosamente. Fuera di esey e gastonan di personal di Aruba ta keda un punto di atencion pa Caft. Den su reaccion riba e informacion di ehecucion CAft a constata caba cu e retraso riba schedule di e economisacion planea di e gastonan di personal ta forma un riesgo substancial pa por realisa riba termino financia di gobierno duraderamente sostenibel.
E Colegio ta enfatisa e importancia di un modificacion di presupuesto temporal pa 2016 riba termino cortico, den cua lo incorpora e consecuencianan financiero di e reapertura di e refineria di petroleo.
Presupuesto 2017
Mester entrega e concepto di presupuesto 2017 na tempo na CAft, di moda cu por entrega esaki hunto cu e conseho di CAft na tempo tambe na Parlamento. E presupuesto aki ta esencial pa e caminda pa yega na financia publico duradero; segun LAft e deficit maximo pa 2017 ta 0,5% di PIB.
