Manera ta custumber caba despues di Pasco y aña nobo mayoria Arubiano ta prepara pa apertura di temporada di carnaval. Aunke oficialmente temporada ta cuminsa den november y preparacionnan ta cuminda for di lunas prome caba, ta despues di aña nobo cu comunidad ta cuminsa drenta den e ambiente di carnaval.
E aña aki e comienso di carnaval ta un poco mas laat cu loke ta custuma. Normalmente e diasabra despues di aña nobo e prome parada, Fakkel of Parada di Flambeu ta cende e mecha di temporada di carnaval. E aña aki SMAC (Stichting Maneho di Aruba su Carnaval) a tuma e decision pa pone e prome parada poco mas cu un siman despues di aña nobo. Pero esey no ta kita cu comunidad ta keda cu e mesun entusiasmo pa disfruta di Aruba su carnaval.
E programa oficial di tur e actividadnan di carnaval ya ta conoci pa algun tempo caba y carnaval 71 ta cuminsa 11 di januari y ta termina dia di maart cu parada grandi y kimamento di momo.
