Marca bo calendario pasobra Stimami Sterilisami su Summer Sidewalk Sale ta bira back pa su di tres aña diadomingo awor, 8 di September, cu ofertanan increibel riba productonan di hotel nobo y usa y actividadnan leuk pa henter comunidad. Uni cu nos na Chinese Club of Aruba, cuminsando tempran 8’or di mainta te cu 3:30 di atardi, of te ora cu tur articulo caba!
E aña aki, bo por spera un seleccion aun mas amplio di articulonan di hotel di calidad halto for di resortnan top como Bucuti & Tara Beach Resort, Hyatt Regency Resort, The Ritz Carlton, Marriott Vacation Club, y RIU Palace. For di mueblenan pa paden y pafo, te cu clechi di cama, plato, glas, ekipo di buffet, y hopi mas, lo tin algo pa tur hende na prijsnan increibel.
Aparte di e ofertanan fantastico, bishitantenan lo por gosa di Lola Taqueria su taconan famoso di $1 cu lo ta disponibel durante e benta.
Subasta y Rifa Emocionante
Nobo e aña aki ta cu lo tin un subasta cu lo cuminsa 11’or di mainta. E subasta lo inclui un weekend stay na Hyatt Regency Resort, un cena na Ruinas del Mar, day passes na RIU, all-you-can-eat desayuno y lunch na RIU, passes pa Jolly Pirates, y mas sorpresa! Ademas, lo tin regalonan special cu lo wordo rifa durante henter e dia. No perde bo chens pa haya e ofertanan special mientras cu bo ta sostene un causa importante.
Adopta un Mascota
Amantenan di bestia lo tin e oportunidad pa topa cacho y pushi adorable cu ta cla pa adopcion for di organisacionnan local di rescate, incluyendo Luna Foundation, Sgt. Peppers Friends, AWAA, Nine Lives Foundation, Crijojo Trappers, Animal Shelter, New Life for Paws, Annie’s Faith, Animal Rights Foundation, y PawsUni. E organisacionnan aki lo ta presente cu mascotanan cla pa adopcion for di 8:30 AM te cu 11 AM, y tambe cu stendanan pa drenta cu ta ofrece mercancia y articulonan pa bestia di One Love Foundation.
Sostene un Causa Digno
100% di e fondonan recauda durante e dia lo wordo usa pa funda e campaña nacional di sterilisacion di Stimami Sterilisami, cu ya a sterilisa casi 38,000 cacho y pushi na Aruba. E trabou vital aki no ta posibel sin e apoyo generoso di nos donadornan, boluntarionan, y comunidad.
No perde e oportunidad increibel aki pa haya bon ofertanan, sostene bienestar di bestianan, y disfruta di un dia di union na comunidad. Nos ta spera pa mira bo dia 8 di September!
Tocante Fundacion Stimami Sterilisami
Fundacion Stimami Sterilisami ta un organisacion non-profit dedica na reduci y mitiga e poblacion di cacho y pushi riba caya den un manera humano y efectivo via nos programa nacional di sterilisacion. Tur donacion ta wordo usa pa cubri e costonan di sterilisacion di cacho y pushi pa doñonan di mascota individual y organisacionnan di rescate. Nos bukinan ta wordo audita y ta habri pa publico. Pa contribui na e causa importante aki, bo por haci un donacion directo na Fundashon Stimami Sterilisami via transferencia bancario:
Bank: Aruba Bank
Account Number: 6012630190
Account Name: FUNDASHON STIMAMI STERILISAMI
Swift Code: ARUBAWAX
