Preocupacionnan serio den parlamento tocante posibel ceramento di 34 embahada y consulado Hulandes

(NLTimes) – Varios parlamentario cu ta forma parti di Tweede Kamer a trece dilanti preocupacionnan serio tocante e coalicion nobo su plan di haci recorte cu por afecta e red diplomatico di Hulanda.

Partido den coalicion VVD tampoco no ta completamente satisfecho, manera a laga cla durante un debate tocante politica di derechonan humano den Tweede Kamer, parti di Parlamento Hulandes.

PVV, VVD, NSC y BBB kier corta e presupuesto di servicio civil cu 22 porciento den departamentonan clave di gobierno. Na Ministerio di Asuntonan Exterior, esaki por ta e opcion mas extremo cu ta causa e clausura di 34 sitio diplomatico segun documentonan oficial tocante e puntonan principal di e coalicion nobo.

“E posicion internacional di Hulanda lo keda seriamente debilita” si asina hopi punto disparce, Parlamentario Kati Piri di GroenLinks-PvdA a comenta. Miembro di D66 Jan Paternotta a señala cu e influencia di China ta creciendo y a ridiculisa e desaparicion di asina hopi embahada di consulado. CDA, ChristenUnie y Volt tambe a comparti e preocupacionnan aki.

Den februari, Tweede Kamer a adopta un mocion di GroenLinks-PvdA y NSC declarando cu tin un “red fuerte diplomatico via e puntonan aki y e ta indispensabel” y cu “cera e embahadanan aki no ta sabio.”

E mocion a ricibi sosten di gran mayoria, di e partidonan den e coalicion, solamente PVV a vota den su contra.

E recortenan aki tambe ta pisa dentro di VVD. “Nos ta spera cu e red internacional lo ser cuida lo mas posibel,” Roelien Kamminga (VVD) a comenta. E no kier descarta e recortenan den varios punto diplomatico “di adelanta” mirando cu te ainda ta kere cu algun aspecto di e organisacion por ser haci di manera mas “eficiente.” Tambe por tin mas cooperacion.

E Ministerio lo mester lidia cu mas recorte den otro areanan tambe. E ministerio nobo pa Comercio den Exterior y Desaroyo pa Ayudo mester haci recortenan structural di 2.4 biyon euro den cooperacion di desaroyo for di 2027. Otro aña, e lo recorta 350 miyon euro for di su presupuesto, y e siguiente aña e lo administra un recorte di 550 miyon euro.

Minister Hanke Bruins Slot ta mira cu un “tarea cu alcance amplio” pa su ministerio, cual e lo encarga pa al menos dos otro siman. E ora Caspar Veldkamp di NSC lo suced’e.