(NLTimes)—E municipio di Amsterdam y duana ta preocupa cu e waf di Amsterdam ta birando mas atractivo pa narcotraficantenan. Autoridadnan ta sigui confisca mas y mas cocaina na e waf, aunke e cifranan ta nada compara cu confiscacion na Rotterdam, segun AT5 ta reporta.
“Tin un cierto cantidad di señal cu ta indica un aumento den e rol di nos waf como un sitio logistico pa e importacion y transferencia di cocaina. Aunke a señalnan concreto ainda ta relativamente limita, tin un aumento den e cantidad di droga haya,” segun alcalde Femke Halsema a conta e Conseho di Ciudad via un carta e aña aki.
E Westelijke Havengebied ta parti di e Area di Canal di Lama Norte, cual ta hunga un rol global den e deposito di petroleo y procesamento di carbon y cacao. E size di e area di waf ta hacie vulnerabel pa criminalnan, mirando cu e ta dificil pa controla y check, segun AT5.
Aña pasa, duana Hulandes a confisca 1.522 kilo di cocaina—un record pa e waf di Amsterdam. Al contrario cu Rotterdam, unda cocaina mayormente ta bin scondi den container, duana na Amsterdam tin mas chens pa haya droga scondi bao barco den saconan ‘waterproof.’
Debi na e presion aumenta na Rotterdam y Antwerp, narcotraficantenan ta mirando otro waf pa nan trece nan cocaina den Europa. Ta parce cu Vlissingen ta birando un sitio faborito pa e criminalnan aki.
Ministerio di Husticia y Seguridad a anuncia inversionnan structural den e maneho pa narcotrafico organisa na sitionan logistico, incluyendo wafnan. E Area di Canal di Lama Norte ta bay haya 1.5 miyon euro tur aña pa reduci e riesgo di narcotrafico. E Conseho di Amsterdam tambe ta bay aloca placa pa extra camara di vigilancia den e area di waf.
