Un malware di computer cu a infecta mas cu 150 pais siman pasa ta aparentemente calmando, cu menos reportahe di atakenan na Asia y Europa riba dialuna. E staff cumisando cu e siman nobo di trabao a wordo conseha pa tene cuidao. E asina yama “WannaCry” ransomware a tuma over users’ files diabierna siman pasa, demandando $300 pa restora acceso. Miles di computer a wordo afecta, compania Microsoft ta bisa cu e atake mester wordo mira manera un ‘wake up call’. Te ainda segun un analista di BBC, pa dialuna mainta a constata cu $38,000 a wordo paga. E ransomeware aki ta confisca bo files, duna bo un suma cu bo tin cu paga cual ta keda subi pa dia. E ta menasa bo tambe cu si despues di siete dia bo no paga e suma, e ta delete tur bo files.
