Un mainta, Joey Wilcox, kende tin 4 aña di edad, a lanta cu banda robes di cara ta cuminsa cay. E tabata un señal di un ‘mal soño’. Tres dia despues, Joey tabata den un hospital den cuido intensivo, sin por a move su curpa of sinta.
Test di wervelkolom y otro test no a por a haya e causa di e situacion di Joey. E medico tabata tin miedo cu el e perde e capacidad di hala rosea. “E ta devastador, un dia bo yiu ta bon, e siguiente e ta haya un griep, pa despues resulta paralitico”, Jeremy Wilcox a bisa kende ta e tata di e mucha.
E mucha ta un cu a sobrevivi, pero ainda ta sufri algun efecto. E ta un di 228 victima confirma na Merca for di aña pasa pa ‘mielitis flácida aguda /AFM’. Un malesa misterioso cu den cierto caso por trece morto. Segun oficial di salud di e pais, tin mas caso di mucha cu AFM.
Dokter Anthony Fauci, presidente di e institucion nacional di alergia y malesa infeccioso, a bisa cu tin similaridad na polio. Fauci a publica un rapport di e malesa, unda cu e ta splica cu e malesa por bira mesun malo cu polio, cu a ataca miles di mucha anualmente tempo di antes, prome cu a bin cu vacuna na aña 1950.
Otro pais a raporta caso incluyendo Canada, Francia, Reino Uni y Noruega. Pero mayoria di caso ta na Merca, unda den un decada por tin 550 caso. Esun mas bieu tabata tin 32 aña. Mas di 90% ta mucha di edad entre 4, 5 y 6 aña.
E ta cuminsa cu similar manera griep y keintura, despues ta bay na paraisis. Den algun caso e ta cuminsa manera chikito por ehempel, e dede ta stop di move, algun ta perde habilidad di come of hala rosea. Cientifico ta sospecha cu e enfermedad ta causa pa un cierto virus, cu a ser identifica mas di 55 aña pasa y a pasa un ‘mutacion’ bira peligroso, pero mester prueba esey ainda.
