Bisiña di Tropical Bottling Company na Balashi a keha di molester di holo y riba Facebook ciudadanonan a expresa nan preocupacion di dump di saconan di sushi riba e tereno di e compania.
Segun e doñonan, famia De Veer, di e compania cu tambe ta doño di Ecotech/Ecogas for di unda e saconan di sushi ta bin, no tin niun problema. E sushi ta matanan y resto di sushi despues a separa esaki den e planta pa yena e tereno banda di e compania na Balashi. Bon Dia Aruba mes a bay wak den e saconan y por constata cu ta trata di mata y resto di sushi. Riba pregunta si nan tin permiso pa dump sushi riba nan tereno, e contesta tabata positivo. Sinembargo Bon Dia Aruba lo bay confirma esaki tambe na e autoridadnan e siman aki. No ta permiti pa dump sushi, ni si ta trata di un tereno priva, sin permiso.
