Den Eerste Kamer tin duda di e propuesta di geschillenregeling di reino lo tin suficiente sosten di gobierno y parlamento di Corsou, Aruba y St. Maarten. Por a deduci esaki for di preguntanan adicional entrega pa e fraccionnan politico di CDA, D66 y PvdD como respuesta na e contestanan di secretario di Estado pa Relacionnan di Reino, Raymond Knops, durante e prome ronda di pregunta por escrito.
Esaki segun un relato di e noticiero online, Curaçao Chronicle.
En particular, tin preocupacion tocante e decisionnan no-obligatorio di un departamento separa, ainda no estableci, di Raad van State, y e hecho cu Knops no tabata kier a intercambia idea cu e paisnan tocante nan decepcion. E senadornan a exigi mas splicacion: “E riesgo di un rijks geschillenregeling cu mal comportamento den disputa ta na caminda? Gobierno di Reino por indica kico esaki ta nifica a e viabilidad di e rijks geschillenregeling?” segun PVV.
A solicita pa Knops duna un contesta prome cu dia 26 di mei proximo, pa asina Eerste Kamer por tene un debate riba e legislacion den e sesion plenario dia 1 di juni, den presencia di delegadonan special di Parlamento, como tambe ministernan plenipotenciario di e tres pais Caribense, y despues vota riba esaki.
