Gasolin ta bolbe aumenta entrante diaranson 10 di mei 2017 !! Esaki gobierno p/m di su departamento a larga sa. E straño ta cu net den e dianan aki riba Mercado Internacional ta wordo publica cu prijs di gasolin ta na e punto di mas abao e aña aki !! Esey ta ta hustifica algun pregunta serio na Gabinete Mike Eman (AVP).
1. Basa riba kico gobierno ta determina e prijs di gasolin, kerosin etc. ?
2. Na ki momento tin hustificacion pa aumenta esaki ??
3. E decision pa aumenta prijs di gasolin, kerosin, diesel etc. por ta wordo dicidi ora tin indicacion cu caha di gobierno ta casi bashi ??
4. Gobierno ta cobra ‘accijns/ belasting’ riba e prijsnan aki cu otro palabra mas halto e prijs aki mas ‘accijns/belasting’ gobierno por cobra ?
5. Pueblo tin un opinion cu un ‘hende of grupo’ ta birando rico riba lomba di nos pueblo kico gobierno por splica al respecto ?
PPA ta demanda un splicacion inmediatamente di parti di Ministro Presidente Mike Eman, Ministro encarga cu Energia y Ministro encarga cu Economia riba e topico aki. E pueblo ta sinti cu gobierno ta aumentando prijs di gasolin pasobra caha di gobierno ta birando bashi yegando e bom gobierno mester duna un splicacion extenso riba e materia aki. PPA lo bin bek riba e desaroyo negativo aki unda gobierno Mike Eman (AVP) ta bolbe hinca man den saco di pueblo pa coy placa di e presupuesto familiar Arubano. Esaki NO por continua asina. PPA lo bin bek riba e materia aki !!
