PPA su masterplan pa desaroyo di Oranjestad lo ehecuta maneho y proyecto ‘strategico’

E actual gobierno di AVP a haci Oranjestad ‘prioridad number uno’ di su maneho !! Esaki a keda demostra pa e inversion di mas cu 4 biyon florin den Oranjestad mientras demas districto di Aruba no a ricibi mucho atencion ! Realidad sinembargo ta cu tur e inversion aki Oranjestad como centro di comercio y turismo a bay atras barbaramente esaki a keda demonstra ultimamente cu un grupo di comerciante y trahado a demostra, protesta y a demanda pa stop di pone ‘klem’ riba auto di bishitante di Oranjestad. Realidad di bida ta cu gobierno di AVP su maneho no a logra haci Oranjestad nos Capital …e Capital di cual nos pueblo ta orguyoso…e capital cu nos pueblo ta contento di bishita.

E solo pensamento cu pueblo ta bishita Oranjestad cu un miedo panico di no haya un ‘klem’ riba nan auto ta suficiente…. fuera di esey e solo hecho cu turista a haya ‘klem’ riba nan auto a manda un mal mensahe pa esunnan cu ta bishita nos Isla. Mester cambia e imagen negative cu Oranjestad tin …e mester purba hasi Oranjestad nos capital bek e centro di comercio, turismo, negoshi cu e tabata y lo mester bira bek. Pa tal motibo PPA ta preparando nos‘masterplan pa hiba Oranjestad na e Proximo Nivel’ !! Nos lo accentua e.o. lo siguiente. Masterplan PPA 2017 !!

1. JFK school lo mester bira e proximo ‘Warda di Polis di Oranjestad y Dakota’. Esaki cu e meta di pone nosCuerpo di Polis funciona for di e sitio mas ‘strategico’ for di unda nan por ranca sali den tur direccion mas eficiente, for di unda nan lo tin un bista riba nos ‘Ontvanger der Belastingen’ cu ta apenas un par di cien meter for di lama…..for di unda nan lo tin un bista riba e desaroyo nobo dilanti x Talk of the Town y for di unda nan lo ta ‘strategicamente situa’ ora di nos fiesta di Carnaval riba crusada di e ‘ruta’ Vondellaan y L.G. Smith Boulevard. Esaki ta cu e meta pa contribui pa limita ‘criminalidad y insiguridad’ for di e sitio mas strategico.

2. Expansion di nos haf di Oranjestad cu awo ta ricibi 2 of 3 crucero grandi y 1 chikito. PPA su vision ta encera cu Oranjestad su haf lo mester ricibi 6 of 7 crucero pareu…esaki basa riba un masterplan cu APA NV lo mester ta encarga di dje. Esaki lo crea e espacio cu e cantidad di turista cu Aruba ta ricibi di ‘cruise-turism’ lo aumenta cu un par di cien mil turista extra…despues di e expansion aki. Tambe Aruba cu awor ta un ‘Port of call’ lo mester studia e impacto di un ‘Departure port’ pa nos isla y su impacto riba e.o. Oranjestad den futuro.

3. Stimula inversion den un Aruba World Trade Center (AWTC) esaki combina cu un Universidad International cu su facultadnan lo por ta ‘Business, IT y Idioma’ combina cu 1 of 2 business hotels. Esaki lo bira e siguiente pilar economico di nos Isla. Cu lo crea hopi cupo di trabao pa ‘young professionals’ e.o. !Tambe e lo trece miles y miles di bishitante extra pa nos Isla cu un ‘spin-off ’ hopi grandi y positivo pa nos Isla, Oranjestad y caha di gobierno!

4. Edificio di x DOW mester wordo destina pa e.o ATA si acaso nan desea di tuma esaki !! Pero na mes momento segun PPA mita di dje mester wordo destina pa desaroyo di Museo cu lo mester proyecta historia y cultura di nos pueblo en general Oranjestad den particular. E lo por carga e nomber di museo nacional di Aruba/Aruba’s nacional museo of un nomber den e direccion aki !! E museo aki su contenido lo mester bira un atraccion pa mayoria bishitante na nos Isla….e lo mester duna un proyeccion di e crecemento di pais Aruba e momentonan impactante y e desaroyo cultural di nos Pais.

5. Lo mester pone un final na Aru-parking y crea un instancia cu un tarea positivo….PPA ta propone un Aruba Guide & Security cu lo duna informacion na e bishitante di Oranjestad y mas un tarea positivo.

6. PPA ta prefera pa gobierno NO benta e edificio di ‘Bushiri Hotel’ abao esaki PPA ta considera esaki ‘destruccion di capital’. E edificio aki ta e ‘drama’ di tanto AVP como MEP…pero PPA ta di opinion cu e por wordo uza pa varios alternativa.

A. Un hotel den cuadra di e maneho di ‘Health & Wellness’ cu PPA ta e unico partido cu ta proyecta desde 2005 !
B. Un espacio por wordo dedica na un ‘Centro pa nosGrandinan’u ndanosgrandinantantokedandonacentronanexistenteperotambecu ta na nan cas por keda un par di siman pa aña como ‘vacacion’ riba nos Isla. Esaki lo aumenta e calidad di bida di nos grandinan cu ta wordo hinca den un ‘Cas pa grandi’ y maske cu tin cu ta den bon condicion no ta ofrece nan pa bandona nan ‘cas pa grandi’ di vacacion y e sitio aki lo por contribui na esaki !!
C. Tambe tin espacio pa un ‘boutique hotel’ ! D. E beach pabao di Bushiri hotel lo wordo manteni como ‘beach publico’ locual e ta caba !! PPA su maneho lo ta pa haci uzo di nos ‘historia y cultura’ pa mehora e resultado di e desaroyo economico pa Aruba henter, Oranjestad nos capital pero tambe otro districto manera San Nicolas, Noord, Sta Cruz y demas districto. Tambe maneho di PPA lo encera cu PPA pa medio di nos vision pa un Aruba World Trade Center lo planta e semi y pa e proximo pilar Economico.