PPA a presenta un masterplan pa siguridad di Aruba

Durante di e prome conferencia di PPA teni na hogar di nan presidente sr. Eddy Bennett, PPA a presenta un parti di nos programa ‘Aruba pa e proximo nivel 2017 -2021’ esta e parti con PPA ta mira cu nan por contribui na mehora e ‘siguridad di Aruba’ y pueblo henter den futuro y ta carga e titulo di ‘Masterplan pa Siguridad di Aruba!’. PPA a accentua cu mientras cu otro ta ofrece e pueblo bandera y sticker pa lunanan largo PPA ta inicia cu campaña ofreciendo nos pueblo vision, idea como parti di nos programa dedica na Siguridad…cada dos siman ta intencion pa presenta otro parti di e programa total di partido PPA.

Optimalisa funcionamento di cuerpo di polis! Maneho di PPA proyecta den e masterplan aki tin como meta pa optimalisa funcionamento di Cuerpo di Polis riba nos Isla y mester por pone mas ‘blauw riba caya’ na un manera structura. Structura di warda di polisnan lo wordo adapta !! PPA a presenta un MAPA di Aruba riba cual basa riba colornan pero tambe indicacion unda tin actualmente e diferente ‘post’ di cuerpo di polis nos vision/idea con den futuro nan PPA lo desea di contribui na mehora e ‘siguridad’ di nos pueblo. Primeramente a splica cu actualmente Aruba ta reparti den cuatro districto for di unda Cuerpo di Polis ta guia y controla nos Isla esta Oranjestad, Noord, Sta Cruz y San Nicolas. Ta intencion di PPA pa trece cambio den e parti di San Nicolas na unda PPA a proyecta un Warda di Polis pa atende cu desaroyonan na Sabana Basora, Pos Chikito y Spaans lagoen. Administrativamente e warda aki lo keda cay bao di e Comisario encarga cu San Nicolas. Tambe PPA den cuadra di e hecho cu baby beach y Rodgersbeach ta wordo uza pa e entrada di ilegalnan PPA su maneho lo frena e desaroyo aki.

PPA ta proyecta un post di Strandpolitie den Seroe Colorado y na mes momento ta proyecta un toren di vigilancia aki.

Cuerpo di Boluntario Arubano(CVA): Na mes momento PPA ta propone pa introduci un asina yama CVA(estilo VKC na Corsou) cual su structura oficial ta wordo proyecta tambe na Sabana Basora/Pos Chikito. JFK scol lo wordo destina como e proximo warda di polis pa Oranjestad y Dakota ! Pa motibo strategico cual lo aumenta e siguridad cu Cuerpo di Polis por ofrece PPA ta propone pa e x JFK scol wordo destina como e proximo ‘warda di polis di Oranjestad y Dakota. Algun di e motibonan ta:

1. Sitio mas strategico for di unda Cuerpo di Polis por funciona !
2. Cuerpo di Polis na e sitio aki lo duna siguridad na ‘Ontvanger der Belasting’ y otro edificio di Gobierno y priva aki no mucho leu for di lama unda cualkier dia un grupo por drenta cu meta criminal.
3. E asina yama salida ‘uitrukmogelijkheden’ di polis den tur direccion ta mucho mas eficiente….Vondellaan y Stadionweg pa Dakota/Tarabana etc., Pa Oranjestad p/m di Vondellaan y LG Smith Boulevard y Lacle Boulevard!!
4. Majoria sitio unda evenemento grandi ta tuma luga ta hopi cerca esta Centro di Cultura, Stadion Guillermo Triniadad etc.
5. Por tira miho bista riba e desaroyo creciente dilanti ‘Talk of the Town’.
6. Ora di Carnaval Cuerpo di Polis lo ta na e skina di e dos caretera mas importante pa Carnavalcual ta Vondellaan y LG Smith Boulevard. Toren di vigilancia: Ta intencion di PPA segun nos masterplan pa construi un ‘toren di vigilancia’ acerca na e x JFK scol pa mehora e tarea di nos Cuerpo di Polis.

Renobacion di warda di polis di San Nicolas ! E masterplan di PPA ta encera tambe plannan pa renobacion di Warda di Polis na San Nicolas y mantencion debido di tur warda di polis riba nos Isla. Recluta y selecta interesado pa bira polis localmente y na Hulanda: Consciente di e hecho cu Aruba no tin suficiente polis PPA su programa ta encera un accento pa recluta y selecta interesado pa bira polis. Un idea cu te na e momento aki ningun otro organisacion politico a lanta ta e idea di busca interesado bao di e Arubianonan biba na Hulanda tambe. Aki PPA tin bista riba Arubiano cu a bay studia na Hulanda y no a logra pero a keda biba na Hulanda. Lo formalisa un maneho cu sosten Hulandes pa stimula e hobennan aki pa sigui rumbo pa bira polis y trece nan bek Aruba !! Optimalisa funcionamento di polis di bario ! Ta intencion di PPA pa optimalisa tur post di polis di bario riba nos Isla. Sostene un organisacion di life guards ! E masterplan di PPA ta encera tambe pa cuerpo di polis sostene un organisacion di Life guards riba nos Isla mirando e tantisimo hogamento specialmente di turistanan di ultimo aña. Tambe e intencion ta di trece e servicio di ‘helicopter’ bek.

PPA ta accentua cu e entrada oficial di nos Isla segun nos L.T.U ta haf di Oranjestad, Aeropuerto Internacional di Aruba, haf di Barcadera y haf di San Nicolas y esaki ta tuma luga bao di wowo legal di e instancianan Cuerpo di Polis grensbewaking, IASA grenscontrole, Cuerpo di Aduana Restructuracion di cuerpo di bombero: Esaki segun masterplan di PPA lo tuma luga door di crea un post di Brandweer na Balashi tambe y utilisa e facilidad di instruccion mas na Balashi. Tambe PPA ta papia di crea un asina yama CBV (Cuerpo di Bombero Boluntario) . PPA ta mira cu cada instancia cu tin un edificio grandi por apunta un 3 pa 4 persona cu lo bira bombero boluntario. PPA su masterplan ta proyecta cu PPA lo sostene e desaroyo di ‘neighbourhood watch’ riba nos isla.

E masterplan ta indica tambe cu PPA lo structura y crea un fundeshi oficial pa esunnan cu ta labora den siguridad di nos Isla . Esaki door di ofrece curso y e fundeshi oficial pa e tarea aki !Training standarisa, screening y clearance. Hot zone’s of zona cayente lo haya un Sistema di camara di vigilancia.

Renobacion di K.I.A. (KorrectieInstituut Aruba). E masterplan di PPA ta tene cuenta cu K.I.A. y ta accentua cu lo mester renoba y modernisa e edificio di K.I.A. Na mes momento lo mester hiba un maneho pa coregi preso y prepara pa nan regreso den nos sociedad. PPA a presenta nos masterplan na prensa y pueblo. Nos no ta kere den presenta bandera y sticker pa loco pero vision, idea y programa na nos pueblo pa asina PPA proyecta con nos tin intencion di hiba ‘Aruba pa e proximo nivel !’.