E investigacion rond di ministro Paul Croes ta birando mas y mas cayente mientras tanto ya ta cuatro persona cu a wordo aresta pa wordo cuestiona y algun ya caba a ricibi un prolongacion di Hues comisario.
Ultimo aparentemente un comerciante tambe a wordo deteni pa wordo cuestiona. Tur esaki ta crea un nubia hopi ‘scur’ riba futuro di gabinete Mike Eman (AVP). Ta manera un man ta bahando poco poco riba gabinete Mike Eman pa posibel maldad comete den curso di tempo. Tambe rumornan ta masha fuerte cu tin mas investigacion andando y cu dentro di poco nos por spera informacion cu lo tin mas ministro cu ta bao investigacion pa actonan ilegal cometi… poniendo un nubia scur riba credibilidad y integridad di gab. Mike Eman (AVP). Tur esaki ta crea e impresion cu gabinete Mike Eman (AVP) lo a participa den actonan ilegal na un forma hamas bisto den politica di pais Aruba. Locual NO ta wordecomprende den henterReinoHulandes ta e hecho con gobiernoEman, Prome Ministro Eman y fraccion di AVP den parlamento por a bay di acuerdo pa manda ministro Paul Croes cu vacacion !! Hamas un aresto di un ciudadano (si acaso cu el a baha) por wordo compara cu e aresto di un Ministro despues cu varios ciudadano a wordo aresta y lo sirbi como testigo den e caso eventual contra Ministro Paul Croes.
E bell di Reino Hulandes lo bay zona y lo wordo tendi den tur skina di Reino. E hecho cu Gabinete Mike Eman, Prome Ministro Mike Eman y henter e fraccion di AVP por a bay di acuerdo cu e ‘vacacion’ di ministro Paul Croes ta e ‘bobedad’ mas grandi cu mi a mira den e 4 decada cu mi ta participa den politica. Un aresto di un ministro den funcion mester tin consecuencia dramatico pa e gobierno na mando…. ningun gobierno por keda goberna si acaso esaki sosode segun mi opinion humilde. Realidad di bida ta cu varios ministro di gabinete Mike Eman ta drumiendo hopi malo mes cualkier zonido den oranan di marduga ta pone nan lanta den panico y kere mi informacion ta di bon fuente y tin varios combersacion ta tuma luga entre colega ministro ta con leu realmente nan por permiti e asunto aki bay ?
No ta pornada cu diferente miembro di parlamento cu pa añanan ta bisa cu nan lo no regresa riba lista a wordo pidi pa regresa pasobra simplemente e señalnan ta malo y e liderato ta desea mas politico cu cierto experiencia den parlamento di Aruba na luga di caranan nobo cu por subi lista di partido AVP memey di e crisis mas grandi cu cualkier partido a pasa den historia politico di pais Aruba.
PPA ta keda sigui e desaroyo tristo aki di acerca….y nos lo tene nos pueblo informa di e ‘novel greengreen’ aki cu tin varios capitulo pa bay ainda. Info ta bisa cu e capitulo final lo tuma un ‘dos luna’ ainda pero ora e tuma luga e futuro di AVP lo ta ‘green green’ esta nan cu nan mes.
