Compania di post PostNL a tuma medidanan pa proteha su trahadonan contra cartanan explosivo cu a bay rond e ultimo dianan. Un vocero a declara cu “siguridad di trahadonan ta e prome prioridad”. E compania ta investigando e fenomeno hunto cu polis.
Maske parce cu un cantidad di mas o menos 6 carta explosivo a circula y yega varios negoshi y organisacion e ultimo dianan, e vocero a bisa cu e no por confirma cu a manda esaki via PostNL, hasta si parce cu esey ta e realidad. Polis tampoco no ta bisando nada tocante e situacion.
