(NLTimes)—Na Hulanda, e temporada di winter ta yega mas trempan cu a espera como cu tin un posibilidad pa sneeuw atrobe e siman aki. Segun Weeronline, un capa di sneeuw di mas centimeter por forma awe mainta, specialmente den e parti noordoost di e pais.
Segun e instituto nacional pa clima KNMI, tin un riesgo local pa condicionnan resbaloso debi na sneeuw den partinan noord y oost di Hulanda awe. KNMI a publica un codigo geel pa provincianan di Groningen, Friesland, Drenthe, Overijssel y Gelderland cuminsando awe atardi.
Un capa di sneeuw te cu 2 centimeter por keda. E precipitacion di winter por causa strobacion den trafico y actividadnan pafo. P’esey, tin un riesgo local di condicionnan resbaloso den e pais debi na e congelamento di seccionnan muha riba caminda. E proximo 24 ora lo ta friu, cu mas di 20 millimeter di precipitacion casi tur caminda, manera Weeronline a reporta. Ora biento cambia dialuna mainta, aire mas friu lo drenta e pais y precipitacion lo gradualmente bira sneeuw muha. Si suficiente precipitacion cay, un capa di sneeuw por forma mainta.
Durante oranan di atardi y anochi, e precipitacion lo cambia pa partinan zuidoost. Como resultado, sneeuw muha tambe por cay den e partinan zuidoost/central di e pais. Sinembargo, ainda no ta claro si esaki lo laga un capa di sneeuw. Te awo, e clima di winter aki lo continua. Segun Weeronline, tin un otro chens pa yobida diamars anochi como tambe diahuebs y diabierna. Durante dia temperaturanan lo ta riba cero.
