Aruba kier cuminsa dialogo cu Corsou riba un investigacion di gas, cual posiblemente ta presente bao awa entre e dos islanan.
Gobierno di Aruba ya caba ta den dialogo cu Repsol, un inversionista Spaño, segun un relato di website Curasoleño, CuraçaoChronicle.
E compania aki a anuncia cu nan lo kier inverti mas di 200 miyon dollar pa financia investigacion tocante extraccion di gas. Minister Glenbert Croes di Aruba a indica cu e kier continua cu e inversionista aki. Esaki ta un motibo dicon e kier dialoga cu Prome Minister Gilmar Pisas pa sondea ki oportunidad tin pa ambos isla.
“Compania Arubano di Petroleo” a tuma contacto cu e compania di gas di Corsou “Kompania di Petroli i Gas Korsou.” E resultado di e dialogo aki te ainda no a keda anuncia.
