Directiva di SIMAR ta hayando varios pregunta relaciona cu e posibel fecha di eleccion na september cual lo por tuma luga dia 29 di september 2017. E fecha aki ta un “ATV dag” y hopi empleado den enseñansa ta cuestiona si esaki ta corecto of no.
Directiva a haci su sondeo y a bin constata cu e fecha pa eleccion no a ser dicidi ainda. Tambe a acerca Director di Directie Onderwijs y a confirma cu nan ta trahando riba esaki.
Un “ATV dag”, esta un dia di “Arbeidstijdsverkorting” ta derecho di empleado como un forma di pago pa dianan cu gobierno deb’e. Pues no por kita un “dia dia pago” for di nan.
E dia riba su mes no ta liber, pero maestronan ta haya e dia liber pa siguridad di alumno y studiantenan y tambe pa motibo cu mayoria edificio di scol ta ser uza pa ciudadanonan bay vota. SIMAR ta sigur cu pronto e pueblo votado di Aruba lo tende cua ta e fecha definitivo di eleccion di e proximo gobierno y di mes lo tende cua fecha lo bira e “ATV dag” definitivo.
