![Afghanistan Storm](https://www.bondia.com/wp-content/uploads/2024/07/Por-lo-menos-40-ta-fayece-despues-di-yobida-pisa-cu-a-destrui-casnan-y-corta-electricidad-na-Afghanistan2_result-696x455.jpg)
(AP) – Yobidanan fuerte na Afghanistan a causa e morto di por lo menos 40 persona y a laga te hasta 350 otronan herida, oficialnan di Taliban a bisa diamars.
Entre e personanan fayeci den dialuna su tormenta tabatin 5 miembro di e mesun famia riba e dak di nan cas colapsa na Surkh Rod, segun e vocero provincial Sediqullah Quaishi. 4 otro miembro di famia a ser herida.
Sharafat Zaman Amar, vocero di Public Health Ministry, a bisa cu 347 persona herida a ser hiba pa ricibi tratamento na e hospital regional na Nangarhar for di Jalalabad, e capital e provincia y districtonan cercano.
Alrededor di 400 cas y 60 palo di luz a ser destrui na Nangarhar, Quraishi a bisa. Electricidad a bay den varios area y tabatin comunicacion limita den e ciudad. E daño te ainda ta bao evaluacion.
Abdul Wali, di 43 aña, a bisa cu mayoria di e daño a tuma luga dentro di un ora. “E bientonan tambe tabata asina fuerte cu el a bay cu tur cos den aire. El a ser sigui pa yobida fuerte,” el a bisa. Su yiu di 4 aña a ricibi heridanan menor, el a bisa.
Organisacionnan di sosten a core desplega ekiponan mobil y suministro.
Director di International Rescue Committee Afghanistan Salma ben Aissa a bisa cu su grupo ta haciendo evaluacionnan y lo provee servicionan di salud di emergencia.
“E continuacion di e desasternan induci pa e clima na Afghanistan mester ta e causa pa preocupacion grave; decadas di conflicto y crisis economico ta nifica cu e pais a enfrenta atraso tras atraso mientras e ta purba lanta back. E realidad tristo ta cu sin un aumento masivo den sosten den donacion y e comunidad internacional, varios otronan lo perde nan bida.”