(AP) – Despues di un Olimpiada exitoso, medayista Olimpico Stephen Nedoroscik, miho conoci riba internet como “Pommel Horse Guy”, lo competi den e temporada binidero di “Dancing With the Stars.”
Su participacion a keda anuncia den diahuebs su episodio di ABC su Good Morning America. Nedoroscik ta e prome participante como celebridad cu a ser nombra pa e temporada, cual ta lansa dia 17 di september. Tambe e ta e prome gimnasta cu lo competi den e programa segun e co-anfitrion di Good Morning America Robin Roberts.
“Mi kier trece un elemento di gimnasta manera un handstand of backflip,” Nedoroscik a bisa riba e programa. “Mi kier disfruta esaki.”
E hoben di 25 aña a logra dos medaya di brons na Paris, yudando e ekipo di hende homber Mericano logra su prome medaya Olimpico den 16 aña ademas di logra tercer luga den su evento individual. El a bira un sensacion viral online danki na ‘meme’ cu a genera di su preparacion prome cu el a competi y un di su transformacionnan compara cu esun di Superman prome cu e subi e pista, preparacion den cual e ta kita su bril di mesun manera cu e personahe Clark Kent.
“E ‘meme’nan ta hopi pret y mi ta gustando di nan tur,” e graduado di ingenieria na Penn State a conta The Associated Press na Paris.
E temporada mas nobo di “Dancing With the Starts” lo ta e programa su di 33 edicion. Co-anfitriona pa Alfonso Ribeiro y Julianne Hough cu huesnan Carrie Ann INaba, Bruno Tonioli y derek Hough. E resto di e participantenan como celebridad lo keda anuncia mas adelante, segun ABC a informa den un comunicado di prensa.
Pa loke ta trata su bril iconico cu ta parti di su look, Nedoroscik a bisa cu “porta mi lo purba. Mi tin miedo cu e lo bula bay.” E atleta tin un condicion den su bista yama Coloboma, el a conta e anfitrionnan. “Porta nos por crea algo cu por mantene nan? Of porta un par nobo di bril, cu ta pega cu e tema?”
