(CuraçaoChronicle) – Aruba y Corsou ta monitor di cerca e polucion di azeta recien na Venezuela. Esaki ta trata un leak di hidrocarbon na El Palito Refinery na Puerto Cabello den Carabobo.
E oficina di maneho di crisis di Aruba CMO a declara cu polucion no ta posee un menasa pa Aruba actualmente. Meteo Aruba a ser informa pa monitor lama y asina tin un evaluacion continuo di e situacion ademas di evaluacion di e riesgonan pa Aruba. Segun e modelonan ricibi y e informacion di Meteo Aruba, e coriente di lama lo sigui move di occidente pa oriente den e proximo 48 ora y no lo cambia, cual ta sigura cu no lo tin consecuencia pa Aruba. Mientrastanto, e agencia di maneho di desaster na Corsou tambe ta monitoriando e situacion.
E leak a ser descubri prome riba diamars segun Yohan Flores a informa, ken ta director regional di e NGO Azul Ambientalistas, di AFP News. “Un gran parti di e lamanan di Puerto Cabello ta afecta,” el a comenta, refiriendo na e pais su waf mas grandi cu ta 210 kilometer leu di e capital Caracas.
Gigante di azeta den e estado PDVASA no a atende e leak, aunke NGO’s manera Caribe Sur Foundation a acusa cu e leak a surgi den un lagun di sushi rond di e refineria El Palito, un di e refinerianan principal di e pais. E ultimo leak di azeta den e area a tuma luga den juli di aña 2020 ora cu sushi di e refineria a drenta lama. E incidente aki a contamina e parke nacional Morrocoy, un area turistico cu mas o menos 20 isla chikito cu lamanan di santo blanco.
Venezuela, cual tin un di e reservanan di azeta mas grandi na mundo a mira su produccion disminui di 3 miyon bari pa dia te na 850,000 bari pa dia den 10 aña, cu produccion premira di aumenta y surpasa 1 miyon bari proximo aña.
