(AP)—Oficialnan di defensa den miembronan di NATO, Polonia, a presenta un plan dialuna pa fortifica monitorio anti-drone y defensa militar terestial via un sistema di fortificacion y bareranan riba e frontera di 700 kilometer cu e ta comparti cu Rusia y aliado di Rusia, Belarus.
E gobierno ta bisa cu Polonia, cual ta apoya Ucrania den su defensa contra e agresion di Rusia, ta victima di accionnan hostil for di Rusia y Belarus. Esakinan ta inclui cyberatakenan, intento pa incendio provoca y pushamento ilegal di migrante riba frontera, cual oficialnan ta describi como intencionnan pa destabilisa Union Europeo, di cual Polonia ta miembro.
E gobierno tambe ta haciendo preparacionnan den e caso di un atake militar, mientras enfatisando e rol primario di disuasion. E gobierno di prome minister Donald Tusk a plania un variedad di medida di seguridad incluyendo den cyberspace, como tambe como tambe un inversion di mas cu 2.5 miyon dollar den fortalece monitorio, disuasion y defensa riba e frontera este, un sistema conoci como Shield-East cu lo ta competi na 2028. Trabao riba dje a cuminsa, oficialnan a bisa.
“E meta di e proteccion ta pa proteha e teritorio di Polonia, stroba e mobilidad di nos tropanan enemigo mientras tanto haciendo mobilidad mas facil pa nos tropanan y pa protege civilnan,” segun minister di Defensa Władysław Kosiniak-Kamysz na un conferencia di prensa, agregando cu comunidadnan local ta compronde e necesidad pa stapnan asina.
E proteccion lo inclui “tur tipo di fortificacion, barera, monitorio di espacio aereo riba tur nivel y mehorando e sistemanan existente,” y lo ser integra cu e sistema di defensa den e pais, Kosiniak-Kamysz a bisa.
El a subraya cu esaki tabata e programa mas grandi pa fortalece e region este di NATO desde 1945, ora e Segunda Guera Mundial a caba. Gen. Wiesław Kukuła a bisa cu esaki lo inclui un red di monitorio anti-drone sofistica y torennan di defensa, bareranan anti-tanki, bunker y shelter, como tambe espacio pa posible terenonan di mina. El a subraya nan rol primario ta pa stroba cualkier posible agresor.
E oficialnan a bisa cu e sistema lo ta parti di un infrastructura di defensa regional construi conhuntamente cu e estadonan Baltico—Lituania, Latvia y Estonia—cu tambe ta den e region este di NATO. E fondo lo bin for di gobierno, como cu Polonia ta aloca 4% di su GDP riba defensa, pero tambe lo busca ayudo for di UE pasobra e sistema lo fortalece tambe e frontera este di e bloc di 27 miembro, segun nan a bisa.
