People take part in a march in defense of the late pope, St. John Paul II, in Warsaw, Poland, Sunday April 2, 2023. The march, organized by an anti-abortion group, is being held in the wake of investigative reports alleging that John Paul covered up clerical sex abuse of minors in Poland in the 1970s when he was still Karol Wojtyla, an archbishop in his native Poland. The march takes place on the 18th anniversary of the pope's death. (AP Photo/Czarek Sokolowski)

(AP) — Miles di Polaco a uni marchanan ayera pa defende e papa fayecido, St. Juan Pablo II, despues cu un documental di television a alega cu el a tapa abuso sexual di mucha involucrando clero na su Polonia nativo prome cu su eleccion como pontifice.

E marchanan a tuma lugar na Warsaw y otro ciudadnan riba e di 18 aniversario di fayecimento di Juan Pablo. Esun di mas grandi na Warsaw tabata organisa pa un grupo anti-aborto cu e slogan “Bo a lanta nos, nos ta bay defende bo.”

Participantenan a resa prome cu marcha tras di relicanan di Juan Pablo den e capital, lidera pa un papamobil cu Juan Pablo a usa durante su bishitanan na Polonia. Algun manifestante a carga potret di Juan Pablo. Ya cu e aniversario a cay riba diadomingo di Palma, nan tambe a carga algun rama, cual ta un tradicion Catolico Romano riba e diadomingo prome cu Pasco.

E documental investigativo a keda transmiti luna pasa pa TVN, un noticiero independiente hopi biaha critico di e gobierno conservador Polaco. A coincidi cu e publicacion di un buki yama ‘Maxima Culpa’ di periodista Hulandes, Ekke Overbeek, alegando cu Juan Pablo II a yuda tapa casonan di abuso di clero prome cu a bira papa.

Hopi Catolico Polaco ta mira ambos investigacion como un atake riba e legado di un homber venera na Polonia como un di e figuranan mas grandi den historia di e nacion, y tambe venera como un santo pa Catoliconan rond mundo danki na su canonisacion for di Vaticano despues di su morto na 2005.

E asunto a tuma dimension politico na Polonia, particularmente ya cu e pais ta programa pa un eleccion parlamentario den herfst. Gobierno a yama e documental un atake riba identidad y idealnan di e nacion na man di oposicion politico. Esey ta un opinion cu ta resona den un pais unda un gran mayoria ainda ta considera Juan Pablo un autoridad moral, y e partido gobernante Ley y Husticia a haya un aparente refuerso mientras su lidernan ta campaña. Varios oficial top a uni e marchanan, incluyendo minister di Defensa y e cabesante di corte constitucional, segun noticiero comercial, Polsat News.