Un palma grandi di plastic a bira un simbolo artistico di Warsaw, ora cu el a ‘muri’ pa forma parti di un forma pa hala atencion tocante cambio climatico.
Artista tras di esaki ta Joanna Rajkowksa, y e museo moderno di arte. Nan a instala banda di caminda na 2002. E siman aki, nan a reemplasa e matanan berde pa shinishi, pa mustra e menasa cu civilisacion ta pone pa medio ambiente.
“Mi tin miedo, pero tambe e sentimento desilusiona cu hende lo permiti nan mes pa haci cosnan asina, cu ta haci daño pa medio ambiente, djis pa politica of beneficio economico”, Rajkowska a bisa, kende a informa cu despues lo cambia e matanan atrobe.
Esaki a marca su dia mundial di medio ambiente di Nacionnan Uni, riba diaranson ultimo. Residentenan a mustra sorprendi pa wak e cambio asina. “Mi a pensa, kico a pasa? Despues mi a bay busca riba rednan social y mi a wak nan a haci’e pa lucha contra aire contamina y pa medio ambiente”, Bogusia Niegocka a bisa.
Segun ta bisa cu ta un bon señal, pero hende no ta bay dun’e importancia, tur loke hende ta haci core sin pensa riba dje. “Mi a mustra mi yiu e palma, y mi a splik’e cu tur cos lo mustra asina si hende no cuminsa cuida e planeta cu nos ta biba aden”, Ola Kania a bisa, kende tabata canando cu su yiu di 4 aña, Jas.
