(AP) – Gobierno di Polonia ta implementa reglamentonan cu lo estrecha e prohibicion di benta di alcohol na personanan bou di 18 aña y prohibi benta di alcohol na stacionnan di gasolin anochi, e minister di Salud a bisa ayera diahuebs.
E regulacionnan ta un contesta na e cantidad creciente di melding di accidente riba caminda y otro tipo di incidente cu ta encera hende bou di influencia di alcohol.
Benta di alcohol na muchanan bou di 18 aña ta ilegal na Polonia y por haya castigo cu multanan pisa of un luna di detencion. Actualmente, bendedornan ta permiti, pero no obliga, pa pidi cumpradonan pa documentonan cu ta prueba nan edad. Reglamentonan nobo lo obliga nan pa haci esaki.
“Bendedornan lo mester ta mas atento y responsabel den nan rol,” minister di Salubridad Izabela Leszczyna a bisa na radio priva Zet.
E medidanan tambe lo prohibi benta di alcohol entre 10:00 pm y 6:00 am den tiendanan situa na stacionnan di gasolin, caminda e ta disponibel actualmente 24 ora pa dia, Leszczyna a bisa.
Un minister suplente di salud a renuncia e siman aki pa no a prohibi benta den supermercadonan di un variedad di saco colorido, cu por primi yena cu alcohol cu ta parce snack pa mucha. E productor a pidi dispensa y a anuncia cu e producto lo ser descontinua.
Trabou riba e reglanan nobo ta casi completo y lo ser acelera, segun Leszczyna a bisa.
Polonia ta un productor di varios tipo di vodka y cerbes. Impuesto riba benta di alcohol ta contribui alrededor di 13 biyon zlotys ($3.3 biyon) na caha di Estado. Pero expertonan ta señala cu e perdidanan di mortonan prematuro, ausencia na trabou y accidentenan ta mucho mas grandi.
E nacion di Union Europeo di alrededor di 38 miyon hende tin un consumo promedio anual di alcohol di alrededor di 9.5 liter (20 pint) pa persona, un di esnan mas halto na Europa.
