(EFE) – E politica di migracion severo di Donald Trump—kende diaranson ultimo a gana e eleccion presidencial na Merca—den cua el a stigmatisa migrantenan, lo causa un aumento den e fluho di migrantenan na frontera nort di Mexico, segun activistanan y migrantenan a bisa.

“Ta posibel cu lo tin un paralisacion di migrantenan na Ciudad Juarez, manera a sosode anteriormente”, segun Francisco Segovia, director di e refugio Frontera de Gracia.

El a recorda cu den Gobierno di Merca “ta tuma hopi tempo pa autorisa e paso di un migrante y esey ta principalmente loke ta preocupa nos cu e ola di migrante cu ta crece, e fluho di migrantenan cu ta yega frontera”, el a remarca.

Segovia a recorda cu e discurso di Trump tabata abiertamente anti-inmigrante desde su mandato anterior (2017-2021) y awor e lo no ta diferente y por ta hasta mas duro.

“Nos sa caba cu Trump ta esun eligi, awor nos mester warda pa wak con e situacion aki bou di migrantenan na frontera ta bay desaroya,” Segovia a bisa.

Trump a ser proclama ganado di eleccion di Merca diaranson y e Republicano lo bolbe na e White House despues di un campaña electoral duro den cual el a surpasa e 270 voto electoral necesario pa bira e di 47 presidente den historia di e pais.

Entre e migrantenan, nan ta mira Trump como un figura cu ta representa politica di migracion estricto y un futuro insigur pa esnan cu ta busca pa crusa e frontera.

Aunke Departamento di Seguridad Nacional di Merca a bisa cu e leynan di inmigracion di e pais ta keda estricto y cu lo no tin cambio inmediato den e leynan di inmigracion despues di e eleccion Mericano, a mira migrantenan ta crusa brugnan internacional cu miedo diaranson ultimo, y cu e yegada di Donald Trump nan lo a debolbe nan, aunke nan tabatin nan cita di CPB ONE.

E regreso di Trump na e presidencia ta pa migrantenan na e frontera nort di Mexico un posibilidad cu ta rebiba recuerdonan di obstaculonan y separacionnan dilanti di un panorama di incertidumbre. Hopi ta busca forsa den comunidad y organisacionnan local, determina pa warda te ultimo momento pa haya sa kico nan futuro lo ta. Dialuna ultimo, durante un reunion di clausura di campaña, Trump a menasa Sheinbaum directamente cu e imposicion di un tarifa di 25% riba exportacion si e pais no stop e “avalancha di criminalnan y droga cu ta drenta Merca.”

Diamars, e presidente Mexicano Claudia Sheinbaum a destaca un caida di 75% den e cantidad di migrantenan cu ta yega na frontera cu Merca como respuesta na e advertencia di Trump, kende a felicita pa su victoria na e urnanan electoral.