(NLTimes) – Expertonan di salud y fundacionnan ta haciendo yamado na Gabinete pa haci mas estricto nan politica contra humamento, mirando cu cada biaha humamento ta birando mas popular entre hobennan. Algun a yama e plan di “generacion liber di humamento” un fracaso, segun AD.
Casi 4 aña despues cu Gobierno a cuminsa nan plan extenso di elimina humamento den hobennan y disminui e adultonan cu ta huma cu 5 porciento, expertonan ta kere cu a yega momento di tuma accion urgente. Casi un tercer parti di adultonan hoben ta huma y e cantidad di hobennan cu ta huma a aumenta desde aña 2020.
Bao e plan actual, sigaria ta birando mas caro, tabaco lo ser retira for di supermercado pa aña 2024 y e sigarianan electronico lo conta bao di e prohibicion di humamento entre otro medidanan. Sinembargo fundacionnan di salud ta bisa cu un solucion hopi mas drastico ta necesario. Un aumento di 10 porciento na e prijs si sigaria pa aña, segun AD.
“Aumento di prijsnan structural a comproba di ta un di e maneranan mas efectivo pa combati humamento,” Wanda de KAnter, un pulmonologo y activista contra humamento a bisa. E ta kere cu e pandemia di coronavirus por a contribui na e aumento di hobennan cu ta huma, yamando esaki “increibel”.
Secretario di Estado Maarten van Ooijen di Salud Publico lo manda un carta na Tweede KAmer tocante e topico den futuro cercano, un vocero a conta AD. E carta aki mester a ser manda prome cu e temporada di vakantie pero a ser posponi. Sinembargo Van Ooijen a sugeri aumenta e prijs di un paki di sigaria di 30 pa 47 euro pa aña 2040, segun AD.
