Segun media Hulandes, dos oficial di polis a wordo haya culpabel pa a causa morto di
Arubano Mitch Henriquez por medio di maltrato/asalto. Nan a wordo sentencia na seis luna di castigo condicional di prizon. Corte Supremo na Den Haag a dicta cu e causa preciso di e morto di Henriquez no por a wordo determina, pero ta hopi probabel cu e ‘choke hold’ cu un di e polisnan a uza riba dje tabata e causa principal. E huesnan no a bay di acuerdo cu e declaracionnan cu Henriquez aparentemente lo mester a muri di un ‘acute stress syndrome.’
Huesnan tambe a bisa cu e uzo prolonga di e choke hold por medio di un di e oficialnan y tambe uzo di pepper spray por medio di e otro oficial mientras a dal Henriquez den su cara, no tabata na su luga. Henriquez a muri den juli 2015, un dia despues cu el a wordo aresta por medio di un team di cinco oficial di polis na Zuiderpark, Den Haag. Polis ta bisa cu nan a responde despues cu Henriquez a declara cu e tabata carga un arma di candela.
Fuente: DutchNews.nl
