(AP) – Polis y autoridadnan tin duda di con por implementa e ley nobo contra acoso sexual riba cayanan, cual ta drenta den efecto dia 1 di juli. Ministerio Publico (OM) tame ta preocupa, segun Pointer a reporta despues di papia cu e autoridadnan.
E ley nobo ta prohibi “sexualmente acerca otro persona na un manera cu ta humilia, duna miedo, causa daño of degrada.” E ta duna varios ehempel, incluyendo “yama un persona den publico un termino derogatorio manera “slut, bitch, whore” y “insinuacion explicito na contacto sexual.” E ley ta haci acoso sexual riba caya un ofensa contra ordo publico. Victimanan por otorga un keho na polis. Polis tambe por actua sin necesidad di un keho si nan mira esaki riba caya.
Sindicato di polis ACP ta kere cu e ley nobo lo resulta den un fluho grandi di keho y acusacionnan. Polis ya caba mester laga algun keho sin investiga a causa di falta di capacidad. “Mi ta spera cu e ley aki no contribui mas na e problema aki,” Ramon Meijerink di e sindicato a conta Pointer. “Y cu nos no mester tuma mas decision cu ta afecta nos victimanan di manera negativo.”
Apesar di e preocupacion tocante con lo implementa e ley, polis ta satisfecho cu lo tin accion pa combati acoso sexual riba caya. “E ta, claramente, algo bon cu awo tin cuadro den cual e implementacion por tuma luga. Pa motibo cu algo si ta keda sumamente cla; esaki ta un problema cu mester resolve,’ Meijerink a agrega.
