Diahuebs pasa lider- y representantenan di partidonan politico a reuni cu polis riba entre otro paradanan den cuadro di campaña. A dicidi tambe cu lo tira lot pa determina cua partido lo mag di tene e ultimo parada prome cu eleccion.
Polis a ricibi basta peticion pa parada politico. Asina nan a dicidi cu cada partido no mag di tene mas cu 1 parada. E partidonan por entrega nan deseonan pa e ruta etc, sinembargo e decision ta keda den man di polis. Esaki pa motibo cu polis kier tene cuenta cu e paradanan no mag di stroba e trafico demasiado. Tin basta proyectonan infrastructural ta andando tambe cu segun polis ya ta haci e situacion riba e cayanan di Aruba mas dificil.
Pa evita e polemica di cua partido lo haya e ultimo fecha prome cu eleccion pa tene un parada, manera tabata e caso na 2013, polis a dicidi tambe pa tira lot. Nan a informa e partidonan di esaki, y diferente partido a comenta cu nan ta haya esaki bon. No ta conoci ainda ki dia lo tira lot.
