Polis ta investigando un caso unda cu un terapista cu tabata busca pa su pashent autistico riba caya a wordo tira innecesariamente door di polis. Charles Kinsey, tabata purbando di regresa su pashent di 27 aña bek den e facilidad na Miami, Florida, ora cu polis a yega pa responde na un yamada di un homber menasando di tira su mes mata. Un VIDEO cu testigo a filma ta mustra con Sr. Kinsey di 47 aña di edad tabata riba su lomba cu su mannan hisa na laira, mientras su pashent tabata banda di dje cu un truck di coi hunga gritando pa e cera su boca.
Bo por scucha tambe Sr. Kinsey purbando di calma e pashent bisando e ”Ronaldo, please keda rustig, sinta abao, drumi riba bo stoma”
Momentonan despues, por a scucha tiro y Sr. Kinsey a wordo herida na su pia. ”E tabata un sorpresa ,manera si ta un sangura a mordemi” , Sr. Kinsey ta bisa WSVN TV agregando cu e tabata grita polis cu e no tin arma anto cu no tin mester di saca nan arma.
Ora cu Sr. Kinsey a haya oportunidad pa puntra e polis cu a despues bin aresta Sr. Kinsey ta kico ta e motibo cu el a tira riba dje, e contesa di e polis tabata ta :”Ami no sa…”
Por lesa mas aki: SKY NEWS
