Polis a intensifica nan accion na un campo universitario caminda cu centenares di manifestante a keda cera pa motibo di e drama di ultimo lunanan di protesta contra e control Chines di e ciudad semi-autonomo.
E siman laboral di centro financiero Asiatico a cuminsa dialuna cu multiple protesta cu a interumpi trafico. Scolnan a permanece cera debi na preocupacion di siguridad pa e manifestacion.
Na juni nan a cuminsa pasivo, pero a bira cada biaha mas violento ultimo simannan. E bataya pa control di campo di universidad na Hong Kong ta e desaroyo mas reciente.
Durante dia, manifestante a fortifica na campo pa mantene Polis leu. Trahado di posicion halto den gobierno a bisa cu ta purbando di reduci e situacion dor di insisti pa manifestante bandona pacificamente e campo y coopera cu Polis; un conseho cu ta parce lo bay cu aresto y a fortalece e resolucion di manifestante pa resisti.
Eleccion di conseho local programa pa diadomingo ta core riesgo di atrasa pa motibo di disturbio, Patrick Nip a informa, kende ta Secretario di Asunto Constitucional di Hong Kong. Nan por wak explosion di candela ora cu manifestante a contesta cu bom di gasolin.
Segun informe, Polis ta adverti cu tur den area por wordo acusa di disturbio y nan por wordo hiba prizon. ‘Nan mester enfrenta consecuencia di nan acto’ a bisa Cheuk Hau-yip, Comandante di distrito Kowloon West.
Manifestante kier evita esaki dor di mayoria uza mascarada pa proteha nan identidad di camara di siguridad cu nan por uza pa acusa y procesa nan. E prohibicion a wordo ignora y Polis ta acusa manifestante di haci uzo di camara.
E protesta a cuminsa pacificamente na cuminsamento di juni, provoca pa un propuesta di legislacion cu lo permiti criminal wordo extradita di e continente. Sin embargo, ora cu a retira e proyecto di ley, protesta a haya forsa y amplia e movemento di resistencia contra gobierno di teritorio y Beijing.
