Despues di e caso lamentable unda un motociclista a perde su bida den trafico, autoridadnan a identifica e fayecido como Dennis Leonel C. Vakkers, naci na Hulanda dia 18 di november 1968, kende a muri cu 56 aña di edad.
E accidente diadomingo anochi a resulta den morto di e motociclista.
Den un declaracion pa prensa na e lugar di e suceso, vocero di polis, Liliana Rasmijn, a bisa cu e accidente tabata entre un brommer y dos auto, unda “e chauffeur di e brommer tabata mustra hopi grave.” Rasmijn a confirma cu Vakkers ta bira e prome morto den trafico pa 2025.
Bon Dia Aruba ta manda palabra di condolencia na sernan keri di e fayecido.
