Cuerpo policial Hulandes a desmantela loke a resulta di ta e mayor laboratorio di Hulanda. E laboratorio tabata scondi den un scol bieu y a aresta 17 hende di Colombia, Turkia y Hulanda.
Autoridad a haya miles di litro di kimico y 100 kilo (220 libra) di crack, segun a declara esaki riba diabierna. Polis a splica riba comunicado diamars den e recinto localisa na Nijeveen na 120 kilometer banda panort di Amsterdam, tambe tabata tin alohamiento pa e personal.
Andre van Rijn, hefe inspector di e organisacion policial encarga di desmantela e sorto di laboratorionan aki, a bisa cu esaki tabata ekipa pa por produci entre 150 y 120 kilo (entre 330 y 440 libra) di cocaina pa dia, cual riba caya lo tin un balor entre 4,5 y 8 miyon euro.
Imagennan riba video tuma door di polis ta mustra ekiponan y “suministro”, incluyendo barinan di plastic, kimiconan y fila cu 5 mashin pa elabora concreto cual ta wordo usa pa extrae e cocaina poni den obhetonan manera, joyas, paña y prome cu e wordo manda na Hulanda. Segun polis, 13 di e sospechosonan cu a keda aresta ta Colombiano y otronan tin dobel nacionalidad como, Colombiano-Hulandes.
E ta previsto cu esaki lo wordo presenta dilanti un hues instructor riba diaranson y diahuebs.
