Dos polis y un agente di husticia a yega te na un truck, cu tabata staciona na un stacion di gasolin na Carambei, estado Parana – Brasil. Tur cos a cuminsa cu un intercambio di palabra, y despues a sali for di control.
E funcionario hudicial a splica cu e tabatin un orden pa confisca e truck den un investigacion cu ta canando na Brasil. E chauffeur a purba di convence polis pa para e inspeccion, pero mirando e negativo di e autoridad, el a saca un arma di candela y el a tira riba nan.
Un oficial a keda herida na su man y na su cara, pero e otro polis a saca su arma y el a tira riba pia di e chauffeur di truck. E chauffeur a ser hiba pa un hospital cu custodia di polis.
E polis cu a haya e tiro ta den recuperacion na su cas y e chauffeur a ser hiba pa prizon. Awor e chauffeur ta bao investigacion pa asina haya sa e motibo pa cual el a haya e impulso pa tira riba polis.
